პარლამენტი საზოგადოებრივის კანონპროექტზე პრეზიდენტის ვეტოს დღეს განიხილავს

0
382
საქართველოს პარლამენტი "მაუწყებლობის შესახებ "საკანონმდებლო პაკეტზე პრეზიდენტის ვეტოზე დღეს იმსჯელებს. პროცედურის მიხედვით, კანონპროექტი მიღებულად ჩაითვლება, თუ მას მხარს დაუჭერს პარლამენტის სიითი შემადგენლობის ნახევარზე მეტი.როგორც ცნობილია, საპარლამენტო უმრავლესობა პრეზიდენტის მიერ შეთავაზებული პროექტის გაზიარებას არ აპირებს და ვეტოს დაძლევისათვის ემზადება. ცნობილია, რომ ვეტოს დაძლევაზე უარს ამბობენ დეპუტატები რომან კაკულია, ლევან კობერიძე, გიორგი მოსიძე და თავით ჭიჭინაძე.ქართული ოცნების ოფისში შეხვედრის დაწყებამდე ნუკრი ქანთარიამ განაცხადა, რომ მაუწყებლის შესახებ კანონის კენჭისყრაში მონაწილეობას არ მიიღებს. გიორგი მარგველაშვილი ფიქრობს, რომ საზოგადოებრივის კანონპროექტზე ვეტოს დაძლევა პლურალისტურ მედიას დააზარალებს. უმრავლესობაში კი აცხადებენ, რომ თუ მაუწყებლის კანონზე შიშები გამართლდება, გადაწყვეტილებას გადახედავენ.მედიაორგანიზაციები ფიქრობენ, რომ ხელისუფლებასა და საზოგადოებრივ მაუწყებელზე მათი მხრიდან პოლიტიკური შტურმი ხორციელდება., ამიტომ არასამთავრობო სექტორმა პარლამენტს მოუწოდა არ დაძლიოს პრეზიდენტის ვეტო მაუწყებლის კანონპროექტთან დაკავშირებით.მანამდე საიას თავმჯდომარე სულხან სალაძემ მაუწყებელთან დაკავშირებით შექმნილი ვითარებიდან გამოსავალზე ილაპარაკა. პარლამენტმა არც პრეზიდენტის ვეტო გაიზიაროს და შემდგომ კენჭისყრაზე არც კანონპროექტს დაუჭიროს მხარი- თქვა მან.მაუწყებლობის შესახებ კანონპროექტთან დაკავშირებით პრეზიდენტის მოტივირებულ შენიშვნებზე დარგობრივი ეკონომიკის კომიტეტმა 14 თებერვალს გადაწყვეტილება ვერ მიიღო. კომიტეტის წევრთა ხმები შუაზე გაიყო.22 დეკემბერს პარლამენტში "მაუწყებლობის შესახებ" საკანონმდებლო პაკეტს მესამე მოსმენით, 63-მა პარლამენტარმა დაუჭირა მხარი. ცვლილებების მიხედვით, საზოგადოებრივი მაუწყებელი ბიუჯეტიდან დაფინანსების პარალელურად, კომერციული რეკლამის განთავსებასაც შეძლებს.
საქართველოს პრეზიდენტმა მაუწყებლის კანონპროექტს ვეტო 15 იანვარს დაადო.
წინა სტატიამარიამ კუბლაშვილი პროკურატურის მიერ მაჩალიკაშვილების სახლში ჩატარებულ ექსპერტიზას არ ენდობა
შემდეგი სტატიაგიორგანაშვილის საქმეზე დაცვის მხარე სააპელაციო სასამართლოს მიმართავს
ტელეკომპანია ოდიშის საინფორმაციო სამსახური