საქართველოს ყოფილი პრეზიდენტი მიხეილ სააკაშვილმა ტელეარხ NEWSONE-სთვის მიცემულ ინტერვიუში განაცხადა, რომ მზად არის ნებისმიერ დროს ჩავიდეს უკრაინაში, რათა ჩვენება მისცეს ქართველ სნაიპერებზე დოკუმენტური ფილმის შესახებ. საუბარია დოკუმენტურ ფილმზე, რომელშიც ნათქვამი იყო, რომ მაიდანის მოვლენებში ქართველი სნაიპერები იღებდნენ მონაწილეობას.
„მე ნებისმიერ დროს შემიძლია უკრაინაში დავბრუნდე და ამ და ნებისმიერ სხვა პროცესზე ჩვენება მივცე. დაინტერესებული რომ იყვნენ ამაში, რომ მე ჩვენება მიმეცა, არ უნდა გაეკეთებინათ ის, რაც გააკეთეს, როდესაც პოლონეთში გამაძევეს“, – განაცხადა მიხეილ სააკაშვილმა.
მისი თქმით, 2014 წელს ის მაიდანზე იყო, ვიდრე იანუკოვიჩმა არ აიძულა უკრაინა დაეტოვებინა.
„კიდევ ერთხელ განვმეორდები, რომ ნებისმიერ დროს მზად ვარ უკრაინაში დავბრუნდე და ნებისმიერ საქმეზე ახსნა-განმარტება მივაწოდო პროკურორებს“, – აღნიშნა მან.