ხანძარი თბილისის ცენტრში. ცეცხლი ვაკეში, ჭავჭავაძის 37 ნომერში, ყოფილი სტუდქალაქის ტერიტორიაზე მდებარე დევნილთა ერთ-ერთ საცხოვრებელ კორპუსში გაჩნდა. შემთხვევის შედეგად არავინ დაშავებულა. ადგილზე 6 სახანძრო ბრიგადა იყო მობილიზებული. მოსახლეობის ევაკუაცია დროულად მოხერხდა. დაზარალებული რამდენიმე ოჯახისთვის დროებით საცხოვრებელ ბინაში გადაყვანას ადგილობრივი ხელისუფლება უზრუნველყოფს. ხანძრის გამომწვევი მიზეზი ჯერჯერობით უცნობია.