დაკითხავენ თუ არა დოდო გუგეშაშვილს ღუდუშაურის კლინიკაში – გადაწყვეტილებას გამომძიებლები ჯანმრთელობის მდგომარეობის გათვალისწინებით მიიღებენ. შვილის მკვლელობის ერთადერთი მოწმე – დოდო გუგეშაშვილი ამ დრომდე რეანიმაციულ განყოფილებაშია.
დოდო გუგეშაშვილის მეგობრები ვარაუდობენ, რომ თადარიგის პოლკოვნიკს პალატაში გადაყვანის შემდეგ დაკითხავენ.
გამოძიება დამნაშავის კვალზე ჯერ არ გასულა და დაკავებულიც არავინაა. შინაგან საქმეთა სამინისტრო მკვლელობის მოტივთან დაკავშირებითაც დუმს. გამოძიება რამდენიმე ვერსიაზე მუშაობს, მათ შორის ნოდარ გუგეშაშვილის მიმართ პირადი ანგარიშსწორებაც არის.
გუგეშაშვილის ოჯახზე მომხდარ თავდასხმას საქართველოში შექმნილ კრიმინალურ ფონთან კონტესტში განიხილავენ ,,ნაციონალურ მოძრაობაში''. პარტიის წარმომადგნელი ზაზა ბიბილაშვილი საუბრობს საზოგადოების ერთი ნაწილის დამოკიდებულებაზე ქვეყანაში არსებული განუკითხაობის მიმართ.
,,გუგეშაშვილის შვილის მკვლელი თავისუფალია.
ლომარ ნიგურიანის მკვლელი თავისუფალია.
სოსო ქუთათელაძის მკვლელი თავისუფალია.
ქართველების მკვლელი მარეკ დუდაევი თავისუფალია.
კანონიერი ქურდი ლავას ოღლი თავისუფალია და გურია-აჭარის არჩევნებში ეხმარება "ოცნებას".
ქართული სახელმწიფოს მტერი ვაჰაგან ჩახალიანი თავისუფალია.
საერთაშორისო ტერორისტი ახმედ ჩატაევი ჯერ გაათავისუფლეს, მერე კი ამერიკული მართლმსაჯულებისგან გადამალეს აქვე, ისანში.
კორცხელის პირუტყვები არათუ არ დასჯილან, სამთავრობო წყაროებიდან ფინანსდებიან და უფლისწულ ბერასთან იღებენ ფოტოებს.
კორცხელის დანაშაულებრივი დაჯგუფების ორგანიზატორი კალაძე თბილისის მერად დაინიშნა.
ბედუკაძე თავისუფალია და, ივანიშვილისგან გზადალოცვილი, რუსეთში იღებს ჯილდოებს.
ეროსი კიწმარიშვილის და 9 თვის ბარბარე რაფალიანცის მკვლელები თავისუფალი არიან. კიარადა, ქვეყანას მართავენ.
…მაგრამ, წარმოიდგინეთ, ჩვენს შორის დადიან ადამიანები, ვისთვისაც "მაინც" ეს კრიმინალური ჯოჯოხეთი ჯობია.
სანამ ასეთების (და პუტინის) რჩეულები არიან ხელისუფლებაში, გარშემო მხოლოდ უარესი კრიმინალი და უბედურება იქნება. '' – წერს ზაზა ბიბილაშვილი