ყაზბეგის გამზირზე დაჭრილი 24 წლის მამაკაცის ჯანმრთელობის მდგომარეობაზე კლინიკაში კომენტარი არ კეთდება. ცნობილია, რომ ის მუცლის არეშია დაჭრილი. შემთხვევა გვიან ღამით, თბილისში, ყაზბეგის გამზირზე მოხდა. 24 წლის მამაკაცი ცივი იარაღით დაჭრეს.ინცინდენტი გვიან ღამით ურთიერთშელაპარაკების ნიადაგზე მოხდა. თვითმხილველების თქმით, დაშავებულს შელაპარაკება ნასვამ მდგომარეობაში მყოფ პირებთან მოუვიდა და მას თან ახლდა მეგობარი გოგონა.გამოძიება სისხლის სამართლის კოდექსის 117-ე მუხლით დაიწყო, რაც ჯანმრთელობის განზრახ მძიმე დაზიანებას გულისხმობს.