გარემოს ეროვნული სააგენტოს მოკლევადიანი პროგნოზების სამმართველოს ცნობით, კვირის ბოლომდე თოვლიანი და წვიმიანი ამინდია მოსალოდნელი.

 

25 იანვრის ჩათვლით დასავლეთ საქართველოს უმეტეს რაიონში მოსალოდნელია წვიმა, მთიან და მაღალმთიან რაიონებში თოვლი, ხოლო აღმოსავლეთში უმეტესად ღრუბლიანი ამინდი.  დასავლეთ საქართველოში ჰაერის მაქსიმალური ტემპერატურა დაბლობში დღისით  4-დან 9 გრადუსამდე იქნება, ,მთიან რაიონებში 0-დან +5 მდე და მაღალმთიან რაიონებში -3 +2.

 

"26 იანვრიდან კვირის ჩათვლით შედარებით გამოიდარებს.

 

28 იანვარს ზემო იმერეთსა და კოლხეთის დაბლობზე შესაძლებელია, აღმოსავლეთის მიმართულების ქარი გაძლიერდეს

 

სინოპტიკოსების ინფორმაციით, აღმოსავლეთ საქართველოში 25-28 იანვარს მოსალოდნელია უმეტესად ღრუბლიანი ამინდი, მცირე ნალექი, მთაში თოვლის სახით, ზოგან ნისლიც.

"ჰაერის მაქსიმალური ტემპერატურა მოსალოდნელია ბარში 0-4 გრადუსი. მთიან რაიონებში -2 გრადუსი და მაღალ მთაში -2-დან -7 გრადუსამდე", – აღნიშნავენ გარემოს ეროვნული სააგენტოში.  

 

რაც შეეხება დედაქალაქს, თბილისშიც უმეტესად ღრუბლიანი ამინდია მოსალოდნელი, 27-28 იანვარს შესაძლებელია მცირე ნალექი, თოვლჭყაპი, ნისლი.

27-28 იანვარს ტემპერატურა უფრო იკლებს და ამიტომ თოვლჭყაპი უფრო მოსალოდნელია, მანამდე იქნება ნალექი შერეული სახით., 25-26 იანვარს თბილისში დაახლოებით 2-4 გრადუსი სითბოა მოსალოდნელი. 27-28 იანვარს კი შესაძლებელია ტემპერატურა 0 +2 გრადუსს შორის იყოს