აზერბაიჯანიდან თურქეთისკენ მიმავალ სამგზავრო ავტობუსს რუსთავი-წითელი ხიდის ავტომაგისტრალზე ცეცხლი გაუჩნდა.ავტობუსში დაახლოებით 50 ადამიანი იმყოფებოდა. მგზავრებმა ავტობუსის დატოვება დროულად მოახერხეს. მომხდარის შედეგად, არავინ დაშავებულა.ავტობუსის მგზავრებს შორის, ძირითადად, რუსეთის მოქალაქეები არიან.როგორც თვითმხილველები ყვებიან, ავტობუსის მძღოლმა გათბობა ჩართო, რის შემდეგაც ავტობუსში დაკვამლიანება დაიწყო. შინაგან საქმეთა სამინისტროს ცნობით, შემთხვევის ადგილზე მიმდინარეობს შესაბამისი ღონისძიებები, მომხდარში დანაშაულის ნიშნები არ იკვეთება.