ზუგდიდის ბაზრის ნაწილი დღეს ისევ დაიტბორა. მოვაჭრეები ამბობენ, რომ მიუხედავად არაერთი მცდელობისა, მათთვის ყურადღება არავის მიუქცევია. 
“კლიენტი ვერ მოდის, საახალწლოდ ვაჭრობა არ გვაქვს, არავინ ყურადღებას არ გვაქცევს, ბაზრის ადმინისტრაციას მივმართეთ, მაგრამ მეორედ არ ამოხვიდეთო აქ“- ამბობს ოდიშინიუსთან იზოლდა ხორავა.
შექმნილი სიტუაციით უკმაყოფილოები არიან კლიენტებიც, რომლებიც ამბობენ, რომ შემოვლითი გზით უწევთ ბაზარში სიარული.
„ ვერ შემოვედი, ყიდვა მინდოდა რაღაცის და ფეხი დამისველდა, ეს უნდა მოაგვაროს მთავრობამ, ჩვენ რას ვიზამთ აბა, გლეხები“- ამბობს ერთ-ერთი კლიენტი ინეზა ქვარაია.
რაც შეეხება ბაზრის ადმინისტრაციას, ცენტრალური ბაზრის დირექტორის მოადგილე ნონა ნიჟარაძე აცხადებს, რომ „ეს არის კერძო მესაკუთრის ტერიტორია და თითოეულმა უნდა იზრუნოს მის მოწესრიგებზე, ბაზრის ადმინისტრაცია აქ არაფერ შუშია“ .
ბაზარი 22 -დეკემბერსაც დაიტბორა, მოვაჭრეები პრობლემის დროულად მოგვარებას და რეაგირებას ითხოვენ.
