მთავარისიახლეებიპოლიტიკაპარლამენტში მთავრობის განახლებული შემადგენლობისთვის ნდობის გამოცხადების საკითხზე მსჯელობენ

პარლამენტში მთავრობის განახლებული შემადგენლობისთვის ნდობის გამოცხადების საკითხზე მსჯელობენ

Published on

 მთავრობის განახლებული შემადგენლობისთვის ნდობის გამოცხადების საკითხს პარლამენტის ხუთმა კომიტეტმა ხმათა უმრავლესობით დაუჭირა მხარი . 
 
საფინანსო-საბიუჯეტო, გარემოს დაცვისა და ბუნებრივი რესურსების, დარგობრივი ეკონომიკის, აგრარულ საკითხთა და რეგიონულური პოლიტიკისა და თვითმმართველობების კომიტეტების გაერთიანებულ სხდომაზე შესაბამისი პროფილის მინისტრების მოსმენა დაახლოებით 4 საათის განმავლობაში მიმდინარეობდა. 
 
მინისტრის პოსტებზე წარდგენილმა პირებმა საკუთარ გეგმებზე ისაუბრეს, რის შემდეგაც დეპუტატების კითხვებს უპასუხეს. 
 
რაც შეეხება ოპოზიციას, ცნობილია, რომ იგი უარს ამბობს მინისტრთა კაბინეტის ახალ შემადგენლობის  მხარდაჭერაზე. საპარლამენტო  უმცირესობის წევრები ამბობენ, რომ ახალი  შემადგენლობა ეფექტური არ იქნება და ამას მინისტრების წარსული საქმიანობით ხსნიან.  
 
„გაურკვეველია, ეს ერთწლიანი ძალიან სწრაფი ცვლილება და უცნაური სახის ფაქტთან გვაქვს საქმე. მეორე, ისევ ეხება ფინანსთა მინისტრს, იქ დაინიშნა ადამიანი, რომლის ხელშიც რკინიგზა მივიდა კატასტროფამდე. ეს არის საქართველოში ყველაზე ჩამორჩენილი და გაკოტრებული უწყება და ამის ხელმძღვანელს ნიშნავენ ფინანსთა მინისტრად,“ – განაცხადა პარლამენტის ფრაქცია ”ნაციონალური მოძრაობის” თავმჯდომარემ რომან გოცირიძემ.
 
განცხადება გააკეთა პარლამენტის ფრაქცია ”ევროპული საქართველო – რეგიონების” წევრმა ზურაბ ჭიაბერაშვილმა და ქვეყანაში, მცირე ბიზნესისთვის გადასხადების დაწევის მნიშვნელობაზე გაამახვილა ყურადღება. 
„ჩვენი მთავარი კითხვა არის, რატომ არ ამცირებენ გადასახადებს იმ პირობებში, როდესაც ძალიან უჭირს მცირე და საშუალო ბიზნესს,“ – აღნიშნა ჭიაბერაშვილმა.
 
 


 

სიახლეები

ფედერალურმა მოსამართლე კარლ ნიკოლსმა USAID-ის თანამშრომლების გათავისუფლების გადაწყვეტილება და სააგენტოს დაშლის გეგმა დროებით დაბლოკა

ფედერალურმა მოსამართლე კარლ ნიკოლსმა USAID-ის თანამშრომლების გათავისუფლების გადაწყვეტილება და სააგენტოს დაშლის გეგმა დროებით დაბლოკა. მოსამართლემ,...

“ეს არის ხელისუფლების მიერ ყველა ზღვრის გადაკვეთის ერთ-ერთი აშკარა გამოვლინება” – დენბერი ამაღლობელის საქმეზე

"ვფიქრობ, ეს არის ხელისუფლების მიერ ყველა ზღვრის გადაკვეთის ერთ-ერთი აშკარა გამოვლინება. ძალიან ბევრს ამბობს...

“რუსეთმა, კურსკის რეგიონში, ჩრდილოეთ კორეელი ჯარისკაცები კვლავ შეიყვანა” – ზელენსკი

უკრაინის პრეზიდენტის, ვოლოდიმირ ზელენსკის განცხადებით, რუსეთმა კვლავ შეიყვანა ჩრდილოეთ კორეელი ჯარისკაცები კურსკის რეგიონში და...

თვითგამოცხადებულმა პრემიერმა ევროსაბჭოს გენერალურ მდივანს, ალან ბერსეს ერთობლივ სამუშაო ჯგუფში მუშაობაზე უარი უთხრა

ევროსაბჭოს გენერალური მდივნის, ალან ბერსეს განცხადებით, ოლიგარქის პრემიერმინისტრმა, ირაკლი კობახიძემ მას ერთობლივ სამუშაო ჯგუფში...