მიხეილ სააკაშვილის პოლიტიკური დევნის შეწყვეტის მოთხოვნით ზუგდიდში ხელმოწერების შეგროვება დაიწყო. „ზუგდიდში უკვე დავიწყეთ ხელმოწერების შეგროვება რომ შეწყდეს საქართველოს III პრეზიდენტ მიხეილ სააკაშვილის პოლიტიკური დევნა.მსურველები შეგიძლიათ მობრძანდეთ ზუგდიდის "ერთიანი ნაციონალური მოძრაობის" ოფისში.“- ასეთია სოციალურ ქსელში გამოქვეყნებული სტატუსი, რომლითაც მიმართავს ზუგდიდში „ნაციონალური მოძრაობა“ მხარდამჭერებს.პარტიამ ხელმოწერების შეგროვების გადაწყვეტილება 9 დეკემბერს, პოლიტსაბჭოს სხდომაზე მიიღო. დედაქალაქში ხელმოწერების შეგროვება 5 დღის წინ დაიწყო. როგორც პარტიაში აცხადებენ, თბილისის შემდეგ ხელმოწერები საქართველოს ყველა დიდ ქალაქში შეგროვდება