საქართველოს მესამე პრეზიდენტი და უკრაინის ოპოზიციურ ძალთა ლიდერი მიხეილ სააკაშვილი უკრაინის გენერალურ პროკურატურაში მივიდა. თუმცა, პროკურორთან დაკითხვაზე არ შევიდა. იგი გამოძიებას უნდობლობას უცხადებს.
მიხელ სააკაშვილმა კიდევ ერთხელ განაცხადა, რომ მის წინააღმდეგ დაწყებული გამოძიება პოლიტიკურადაა მოტივირებული და მიზანი, მისი პოლიტიკური პროცესებიდან გათიშვაა.
მიხეილ სააკაშვილის თქმით, სისხლის სამართლის საქმე, რომელიც მის წინააღმდეგ მიმდინარეობს, არის უკრაინის უსაფრთხოების სამსახურის მიერ ფალსიფიცირებული. სააკაშვილის თქმით, ამ საკითხთან დაკავშირებით არა პროკურატურაში, არამედ უკრაინის უსაფრთხოების სამსახურში ან სასამართლოში უნდა დაიბარონ დაკითხვაზე.
მისივე თქმით, გენერალური პროკურორი, იური ლუცენკო ასრულებს პეტრო პოროშენკოს მითითებებს.
მედიასთან კომენტარის გაკეთების დროს სააკაშვილის საქმის პროკურორი გამოვიდა მასთან და მიუთითა, რომ საერთოდ არ უნდა ისაუბროს მან მედიის წარმომადგენლებთან. მიხეილ სააკაშვილმა საქმის პროკურორსაც განუცხადა, რომ მზადაა ჩვენების მისაცემად, თუმცა, იმ შემთხვევაში თუ შესაბამის უწყებებში გამოიძახებენ.
სააკაშვილის თქმით, ყველა მტკიცებულება და დოკუმენტი, რომელიც მის წინააღმდეგ მიმდინარე საქმეშია, ფალსიფიცირებულია.
სააკაშვილმა ასევე განაცხადა, რომ უკრაინის პრეზიდენტი უშუალოდ ასრულებს რუსეთის პრეზიდენტის მითითებებს. სააკაშვილის შეფასებით, მას ებრძვიან იმის გამო, რომ სიმართლეს ლაპარაკობს.
.
უწყების ინფორმაციით, სააკაშვილი უკრაინის სისხლის სამართლის კოდექსის რამდენიმე მუხლით გათვალისწინებულ დანაშაულებთან დაკავშირებით უნდა დაკითხონ.