ნინო სურგულაძე: კრემლში არ ვიმღერებ, ეს ჩემი ქვეყნის ღალატი იქნება

0
202
ცნობილმა საოპერო მომღერალმა ნინო სურგულაძემ  უარი განაცხადა კრემლის სახელმწიფო დარბაზში დაგეგმილ  კონცერტში მონაწილეობაზე.
 
 ელენა ობრაზცოვას სახელობის ფონდის მიერ ორგანიზებული ეს კონცერტი  ფრანკო ძეფირელის 95 წლის იუბილეს ეძღვნება და მასში მონაწილეობას უამრავი მსოფლიო საოპერო ვარსკვლავი იღებს.
 
რადიო ფორტუნასათვის მიცემულ ექსკლუზიურ ინტერვიუში ნინო სურგულაძემ განმარტა, რატომ თქვა უარი ამ შეთავაზებაზე
 
,,სიამოვნებით დავთანხმებოდი ამ ორი ჩემი საყვარელი ხელოვანისადმი მიძღვნილ საღამოში მონაწილეობას, მაგრამ უკვე ვუთხარი უარი. უნდა შემესრულებინა ორი არია. თანახმა იყვნენ, რომ ორი დღით ადრე ჩავსულიყავი რეპეტიციაზე, ჩემი გრაფიკის გამო, მაგრამ გამორიცხულია,  ამ წინადადებას დავთანხმებოდი. კონკრეტულად კრემლის დარბაზში სიმღერა არ იქნებოდა სწორი. მე პოლიტიკაში არ ვერევი და არც განცხადებებს ვაკეთებ ხოლმე, მაგრამ ლოგიკურია, რომ კრემლში გამოსვლა არ მინდა, რადგან ეს ჩემი ქვეყნის ღალატი იქნება”-აღნიშნა ნინო სურგულაძემ 

კომენტარის დატოვება

Please enter your comment!
Please enter your name here