მთავარისიახლეებიპოლიტიკაგიული ალასანია: „ჩემმა შვილმა ისეთი გზა აირჩია, რომ ყველაფერი, რაც ხდება, ამის...

გიული ალასანია: „ჩემმა შვილმა ისეთი გზა აირჩია, რომ ყველაფერი, რაც ხდება, ამის თანმხლებია“

Published on

საქართველოს ყოფილი პრეზიდენტის, მიხეილ სააკაშვილის დედის, გიული ალასანიას შეფასებით, მისი შვილი უკრაინის ხელისუფლებას უკანონოდ ჰყავს დაკავებული. 
 
როგორც „ინტერპრესნიუსს“ ალასანიამ განუცხადა, მას საკმაოდ მწირი ინფორმაცია გააჩნია შვილის მდგომარეობის შესახებ. ამასთან, როგორც ალასანიამ აღნიშნა, თუ საჭირო გახდება, უკრაინაში ის პირადადაც ჩავა. 
 
„მისი დაკავება სრულიად უკანონოა. სად გაგონილა ასეთი ამბავი, თან დემოკრატიაზე აქვთ პრეტენზია და ევროკავშირისთვის ემზადებიან. თუ საჭირო ვიქნები, მეტყვიან და მხოლოდ იმ შემთხვევაში ჩავალ. ჩემი ინიციატივით არსად არ ჩავალ, რომ ხელი არ შევუშალო. საქმე როგორც მოითხოვს, ისე მოვიქცევი“, – განაცხადა გიული ალასანიამ. 
 
რაც შეეხება მიხეილ სააკაშვილის ჯანმრთელობის მდგომარეობას, გიული ალასანია ვარაუდობს, რომ მის შვილს შესაძლოა ფილტვების ანთებაც ჰქონდეს. 
 
„მე ყველაზე ნაკლები ინფორმაცია მაქვს, რადგან ტელეფონით ვერ ვუკავშირდები, თვითონ ვერ მიკავშირდება და ასე შემთხვევით ვიღაც თუ რამეს მეტყვის. ვიცი, რომ გაცივდა. არ ვიცი, რამდენად ჰქონდა ან აქვს ფილტვების ანთება, მაგრამ ხშირად ჰქონდა ბავშვობაში, აქედან გამომდინარე, მიდრეკილება აქვს“, – აღნიშნა მიხეილ სააკაშვილის დედამ.
 
რაც შეეხება შიმშილობის გამოცხადებას, გიული ალასანიას თქმით, მისმა შვილმა „ისეთი გზა აირჩია, რომ ყველაფერი, რაც ხდება, ამის თანმხლებია“. 

სიახლეები

სახალხო დამცველმა მზია ამაღლობელის საქმეზე ექიმთა ჯგუფი შექმნა

6 თებერვალს საქართველოს სახალხო დამცველმა, მზია ამაღლობელისთვის პენიტენციური სამსახურის (მათ შორის, კონტრაქტორი კლინიკ(ებ)ის) მიერ...

“დაასრულე მილიცია, დაასრულე რეჟიმი, თავისუფლება სინდისის პატიმრებს” – თსუ-ში პროტესტია

თბილისის სახელმწიფო უნივერსიტეტის პირველ კორპუსთან სოლიდარობის აქცია იმართება - ახალგაზრდები გამთენიისას დაკავებულ აჩი გოჩიტაშვილის,...

“საგანგაშო მდგომარეობაა და ყოველთვის შეიძლება, გართულება იყოს – დღეს ჩვენთან დარჩება, სავარაუდოდ, ხვალაც დარჩება” – ჩხაიძე მზია ამაღლობელზე

"ვივამედის" კლინიკური დირექტორის, ზურაბ ჩხაიძის ინფორმაციით, "ბათუმელებისა" და "ნეტგაზეთის" დამფუძნებელი, მზია ამაღლობელი დღეს და...

“საჯარო სამსახურის შესახებ კანონში შეტანილი ცვლილებები ეწინააღმდეგება საკონსტიტუციო სასამართლოს პრაქტიკას – ნეგატიურია, აუარესებს დასაქმებულთა უფლებრივ მდგომარეობას” -საია

"საქართველოს ახალგაზრდა იურისტთა ასოციაცია" "ქართული ოცნების" მიერ საჯარო სამსახურის შესახებ კანონში ცვლილებებთან დაკავშირებით განცხადებას...