სანდრა რულოვსი დარწმუნებულია, რომ 10 დეკემბრისთვის მიხეილ სააკაშვილი გამოჯანმრთელდება- ამის შესახებ საქართველოს ყოფილი პირველი ლედი "ფეისბუქზე" წერს.
"დიდი მადლობა ყველას მხარდაჭერისთვის. მართალია, მიშა წინა დღეებში ძლიერად გაგვიცივდა მაგრამ კვირისთვის, 10 დეკემბერს, 12 საათზე, ყველანი ერთად მარშზე ვიქნებით ჩვეულ ფორმაში, შევჩენკოს პარკიდან მაიდანამდე," – აღნიშნავს რულოვსი.
შეგახსენებთ, გუშინ მიხეილ სააკაშვილის ადვოკატმა განაცხადა, რომ საქართველოს ყოფილი პრეზიდენტი ავად გახდა.
"ის მართლაც ცუდად გრძნობდა თავს, როდესაც მისი დაკავება ხდებოდა. ის სახურავზე ყოფნისას გაცივდა და როგორც ვიცი, ხმა არ აქვს. გუშინ ის თავს ძალიან ცუდად გრძნობდა. არის ინფორმაცია, რომ მისი მდგომარეობა გაუარესდა, თუმცა რა სიმპტომები აქვს, არ ვიცი", – აღნიშნა გუშინ ადვოკატმა.
ამ მიზეზით გუშინ მიხეილ სააკაშვილმა მონაწილეობა ვერ მიიღო აქციაში ღია ცისქვეშ, თუმცა თავისი კარვიდან კვლავ მსოფლიო მედიის სტუმარი იყო.
