მიხეილ სააკაშვილის ადვოკატი საქართველოში ბექა ბასილაია, საქართველოს მესამე პრეზიდენტის დაკავების ფაქტს ეხმაურება. უფლებადამცველი მომხდარს „უკანონო – ბანდიტურ გადაწყვეტილებას" უწოდებს.ბასილაია ამბობს, რომ ამ ეტაპზე უცნობია სამართლებრივი საფუძველი დაკავების, თუმცა მისი თქმით, ყველასთვის ცნობილია, რომ საქართველოს მესამე პრეზიდენტისა და ოდესის ოლქის ყოფილი გუბერნატორის წინააღმდეგ მიმდინარეობს პოლიტიკური დევნა.ბასილაიას თქმით, უკრაინაში მიხეილ სააკაშვილის წინააღმდეგ დევნის დაწყების არანაირი სამართლებრივი საფუძველი არ არსებობს.„ჩვენთვის ამ ეტაპზე დაკავების საფუძველი უცნობია, შესაბამისად მიხეილ სააკაშვილის უკრაინაში მიმდინარე სისხლის სამართლის პროცედურებთან დაკავშირებით, კონკრეტული კომენტარის გაკეთება სამართლებრივ ჭრილში გაგვიჭირდება, თუმცა იმის თქმა ცალსახად შეგვიძლია რომ ეს უკვე სამართლებრივი პროცესებიდან გასულია და ეს არის ბანდიტური გადაწყვეტილება უკრაინის ხელისუფლების მხრიდან, რომელსაც წინ უსწრებდა საქართველოს მოქალაქეების უკანონო გამოძევება, მიხეილ სააკაშვილის დაცვის წევრებზეა საუბარი, მათი ცემა, წამება და ა.შ.,"-განაცხადა ბასილაიამ. რაც შეება მიხეილ სააკაშვილის საქართველოში შესაძლო ექსტრადირების საკითხს. ადვოკატი ამბობს, რომ 2 წლის წინ უკრაინის გენერალურმა პროკურატურამ მიხეილ სააკაშვილის ექსტრადირებაზე პოლიტიკური მოტივით სისხლის სამართლებრივი დევნის გამო უარი განაცხადა. მიუხედავად ამისა უფლებადამცველს უჭირს იმის თქმა, მოახდენს თუ არა უკრაინა სააკაშვილის საქართველოში ექსტრადირებას. "იმდენად დიდ უკანონობაზე მიდის უკრაინის ხელისუფლება და თავის მხრივ ქართული ხელისუფლებაც მიხეილ სააკაშვილის წინააღმდეგ პოლიტიკურად მოტივირებული სისხლის სამართლის საქმეებში, ამ ნაბიჯზეც რომ წავიდნენ არ გაგვიკვირდება, თუმცა მე ვერ გავაკეთებ განცხადებას ინფორმაციის სიმწირის გამო თუ რა შეიძლება მოხდეს,"-აცხადებს ბასილაია.
სიახლეები
საზოგადოება
ეკონომიკისა და მდგრადი განვითარების მინისტრმა თანამდებობა დატოვა
ეკონომიკისა და მდგრადი განვითარების მინისტრი ლევან დავითაშვილი თანამდებობას ტოვებს. ამის შესახებ ირაკლი კობახიძემ მთავრობის...
სიახლეები
ელენე ხოშტარია-პირობას ვაძლევ პოლიტიკურ პატიმრებს, რომ ერთიანობისთვის ყველაფერს ვიზამ
"ნაბიჯი არის აუცილებელი იმისთვის, რომ ჩვენ სისტემას ვაჩვენოთ, რომ არ გვეშინია და ასე დამარცხდება...
სიახლეები
ოცნებამ უნდა შეწყვიტოს განსხვავებული აზრის ჩახშობა, გაათავისუფლოს პოლიტპატიმრები-დაუთი
საქართველოს ოპოზიციური ლიდერების დაპატიმრება პარლამენტის დროებითი საგამოძიებო კომისიის ბოიკოტის გამო, უხეში მცდელობაა, აღიკვეთოს პოლიტიკური...
საზოგადოება
ირანის მიერ ისრაელზე სარაკეტო იერიშის შედეგად 4 ადამიანი დაიღუპა
ტრამპის განცხადების მიუხედავად, რომელმაც მსოფლიოს ირანსა და ისრაელს შორის ცეცხლის შეწყვეტის ამოქმედების შესახებ ამცნო,...