მიხეილ სააკაშვილის ადვოკატი საქართველოში ბექა ბასილაია, საქართველოს მესამე პრეზიდენტის დაკავების ფაქტს ეხმაურება. უფლებადამცველი მომხდარს „უკანონო – ბანდიტურ გადაწყვეტილებას" უწოდებს.ბასილაია ამბობს, რომ ამ ეტაპზე უცნობია სამართლებრივი საფუძველი დაკავების, თუმცა მისი თქმით, ყველასთვის ცნობილია, რომ საქართველოს მესამე პრეზიდენტისა და ოდესის ოლქის ყოფილი გუბერნატორის წინააღმდეგ მიმდინარეობს პოლიტიკური დევნა.ბასილაიას თქმით, უკრაინაში მიხეილ სააკაშვილის წინააღმდეგ დევნის დაწყების არანაირი სამართლებრივი საფუძველი არ არსებობს.„ჩვენთვის ამ ეტაპზე დაკავების საფუძველი უცნობია, შესაბამისად მიხეილ სააკაშვილის უკრაინაში მიმდინარე სისხლის სამართლის პროცედურებთან დაკავშირებით, კონკრეტული კომენტარის გაკეთება სამართლებრივ ჭრილში გაგვიჭირდება, თუმცა იმის თქმა ცალსახად შეგვიძლია რომ ეს უკვე სამართლებრივი პროცესებიდან გასულია და ეს არის ბანდიტური გადაწყვეტილება უკრაინის ხელისუფლების მხრიდან, რომელსაც წინ უსწრებდა საქართველოს მოქალაქეების უკანონო გამოძევება, მიხეილ სააკაშვილის დაცვის წევრებზეა საუბარი, მათი ცემა, წამება და ა.შ.,"-განაცხადა ბასილაიამ. რაც შეება მიხეილ სააკაშვილის საქართველოში შესაძლო ექსტრადირების საკითხს. ადვოკატი ამბობს, რომ 2 წლის წინ უკრაინის გენერალურმა პროკურატურამ მიხეილ სააკაშვილის ექსტრადირებაზე პოლიტიკური მოტივით სისხლის სამართლებრივი დევნის გამო უარი განაცხადა. მიუხედავად ამისა უფლებადამცველს უჭირს იმის თქმა, მოახდენს თუ არა უკრაინა სააკაშვილის საქართველოში ექსტრადირებას. "იმდენად დიდ უკანონობაზე მიდის უკრაინის ხელისუფლება და თავის მხრივ ქართული ხელისუფლებაც მიხეილ სააკაშვილის წინააღმდეგ პოლიტიკურად მოტივირებული სისხლის სამართლის საქმეებში, ამ ნაბიჯზეც რომ წავიდნენ არ გაგვიკვირდება, თუმცა მე ვერ გავაკეთებ განცხადებას ინფორმაციის სიმწირის გამო თუ რა შეიძლება მოხდეს,"-აცხადებს ბასილაია.
სიახლეები
პოლიტიკა
მიხეილ სააკაშვილი ციხეში დააბრუნეს
სპეციალური პენიტენციური სამსახურის განცხადებით, საქართველოს მესამე პრეზიდენტი, მიხეილ სააკაშვილი კლინიკიდან პენიტენციურ დაწესებულებაში დააბრუნეს.
„როგორც საზოგადოებისთვის...
საზოგადოება
EU-ის წევრი ქვეყნების ელჩებმა უვიზო რეჟიმის შეჩერების მექანიზმის გამარტივებას მხარი დაუჭირეს
ევროკავშირის წევრი სახელმწიფოების ელჩებმა უვიზო რეჟიმის შეჩერების მექანიზმის გამარტივებას მხარი დაუჭირეს.
საუბარია ახალ წესებზე, რომლის...
საზოგადოება
სასამართლომ აზერბაიჯანელი ჟურნალისტი, აფგან სადიგოვი 7 დღით პატიმრობაში გაუშვა
სასამართლომ აზერბაიჯანელი ჟურნალისტი, აფგან სადიგოვი 7 დღით პატიმრობაში გაუშვა - გადაწყვეტილება მოსამართლე ნინო ენუქიძემ...
საზოგადოება
პროკურატურამ გიორგი გახარიას მიმართ სისხლის სამართლის დევნა დაიწყო
საქართველოს მთავარმა პროკურატურამ ექს-პრემიერ გიორგი გახარიას წინააღმდეგ სისხლის სამართლებრივი დევნა დაიწყო.
როგორც საგანგებო ბრიფინგზე, მთავარმა...