უკრაინის შინაგან საქმეთა მინისტრმა არსენ ავაკოვმა საქართველოს ყოფილ პრეზიდენტ მიხეილ სააკაშვილს მოუწოდა კანონის მოთხოვნებს დაემორჩილოს.
„ნებისმიერი კონფლიქტი მხოლოდ კანონიერი გზით უნდა გადაიჭრას. სააკაშვილი უნდა დაემორჩილოს კანონის მოთხოვნებს, გაიაროს კანონიერი პროცედურა და პასუხი გასცეს წარდგენილ ბრალდებას და არა სისხლისღვრისა და დაპირისპირების პროვოცირება მოახდინოს“, – დაწერა არსენ ავაკოვმა „ტვიტერის“ პირად გვერდზე.
შეგახსენებთ, ცოტა ხნის წინ მიკროავტობუსში დაკავებული სააკაშვილი მხარდამჭერებმა გაათავისუფლეს და ახლა ისინი რადას შენობასთან შეიკრიბნენ, სადაც აქცია მიმდინარეობს უკრაინის პრეზიდენტის, პეტრე პოროშენკოს იმპიჩმენტის მოთხოვნით.