გიორგი მარგველაშვილმა პრეზიდენტის სასახლეში შვეიცარიის კონფედერაციის პრეზიდენტს უმასპინძლა

0
414
დღეს პრეზიდენტის სასახლეში გაიმართა   გიორგი მარგველაშვილის   პირისპირ შეხვედრა საქართველოსი ვიზიტად მყოფ შვეიცარიის კონფედერაციის პრეზიდენტთან დორის ლოიტჰარდთან.
 
შეხვედრაზე  განხილულ იქნა საქართველოს ოკუპირებული ტერიტორიებთან, რუსეთის ანექსიურ, აგრესიულ, პროვოკაციულ ქმედებებთან დაკავშირებული საკითხები და აღინიშნა  შვეიცარიის განსაკუთრებული როლი საქართველო – რუსეთის ურთიერთობებში. 
 
გიორგი მარგველაშვილმა ხაზგასმით აღნიშნა შვეიცარიის მხარდაჭერის მნიშვნელობა საქართველოს სუვერენიტეტისა და ტერიტორიული მთლიანობის საკითხში და მადლობა გადაუხადა დორის ლოიტჰარდს შვეიცარიის მიერ საქართველო-რუსეთის ურთიერთობებში შესრულებული უმნიშვნელოვანესი მისიისათვის – შუამავლის როლისა და საქართველოს ინტერესების მხარდაჭერისათვის.
 
საქართველოს პრეზიდენტმა შვეიცარიელ კოლეგას რუსეთთან ურთიერთობის საკითხებთან დაკავშირებით დეტალური ინფორმაცია მიაწოდა და აღნიშნა, რომ მიუხედავად საქართველოს პოზიტიური ნაბიჯისა, რუსეთთან ურთიერთობის პოლიტიკურ ასპექტში პროგრესი არ არის და მნიშვნელოვანია, რომ შვეიცარია, როგორც შუამავალი ქვეყანა ფლობდეს ობიექტურ ინფორმაციას ოკუპირებულ ტერიტორიებზე არსებულ მდგომარეობასთან დაკავშირებით.
 
საქართველოს პრეზიდენტმა კიდევ ერთხელ გამოხატა შეშფოთება რუსეთის მიერ აფხაზეთისა და ცხინვალის რეგიონების მიმდინარე ოკუპაციასა და ანექსიასთან დაკავშირებით.
 
გიორგი მარგველაშვილის განცხადებით, ფაქტობრივი ანექსიის ნათელი ნიშანია რუსეთის მიერ ცხინვალისა და აფხაზეთის რეგიონებთან გაფორმებული ე.წ. შეთანხმებები.
 
საქართველოს პრეზიდენტმა პროვოკაციული ნაბიჯები და ცალსახა აგრესია უწოდა ნოემბრის დასაწყისში, რუსეთის ფედერაციის მიერ საქართველოს ოკუპირებულ რეგიონებში, კერძოდ, სოხუმში რუსეთის ფედერაციის საბაჟო სამსახურის წარმომადგენლობის გახსნასა და ცხინვალში ე.წ. საბაჟო პუნქტის შექმნის შესახებ განცხადებას, რომელიც მიმართულია საქართველოს სახელმწიფოებრიობის წინააღმდეგ და რეგიონში სიტუაციის დესტაბილიზაციისა და ევროპული უსაფრთხოების სისტემის გასანადგურებლად.
 
როგორც შეხვედრისას საქართველოს პრეზიდენტმა აღნიშნა, საქართველო საერთაშორისო თანამეგობრობის მხარდაჭერით განაგრძობს არაღიარების პოლიტიკის განხორციელებას. მნიშვნელოვანია საერთაშორისო თანამეგობრობის ერთიანობა, მათი ერთიანი სტრატეგია და ხედვა საქართველო-რუსეთის ურთიერთობებისა და რეგიონში სიტუაციის დარეგულირებისათვის.
 
პრეზიდენტებმა უსაფრთხოების საკითხები და რეგიონში არსებული უსაფრთხოების გარემო მიმოიხილეს.
წინა სტატიაპოროშენკოს რეჟიმი NewsOne -ის ჯერ დაბლოკვას, ახლა კი განბლოკვას ითხოვს და გამწარებით უღრენს მიხეილ სააკაშვილს და მის ,,უტიფარ” მხარდამჭერებს
შემდეგი სტატიაგადაცემა თეზისი სტუმარი პოეტი თემურ ელიავა Guest Thesis Guest Poet Temur Eliava
ტელეკომპანია ოდიშის საინფორმაციო სამსახური