„ვიტალი დარასელია 60" – ასე ქვია წიგნს, რომელიც ტრაგიკულად დაღუპული, ყველა დროის ერთერთი საუკეთესო ქართველი ფეხბურთელის, თბილისის ,,დინამოს'' ისტორიაში ყველაზე მნიშვნელოვანი გოლის ავტორის იუბილეს ეძღვნება.
წიგნი საქართველოს სპორტულ ჟურნალისტთა ასოციაციის მიერ გამოიცა, მასში ფეხბურთელის შესახებ სხვადასხვა დროს გამოქვეყნებული წერილები, ინტერვიუები, ჩანახატები და მოგონებებია შესული.
წიგნის პრეზენტაცია მიხეილ მესხის სახელობის სტადიონის VIP დარბაზში შედგა. პრეზენტაციაზე მივიდნენ ვიტალი დარასელიას თანაგუნდელები, სხვაადასხვა თაობის ფეხბურთელები, სპორტულ სამაყაროში კარგად ცნობილი ჟურნალისტები, ფეხბურთის გულშემატკივრები, სპორტსმენის ახლობლები
პრეზენტაციას სპორტისა და ახალგაზრდობის საქმეთა მინისტრი ტარიელ ხეჩიკაშვილი და ფეხბურთის ფედერაციის გენერალური მდივანი დავით მუჯირი ესწრებოდნენ.
