მთავარისიახლეებიპოლიტიკასააკაშვილის განცხადებით, უკრაინის პრეზიდენტმა მისი დაპატიმრების განკარგულება გასცა

სააკაშვილის განცხადებით, უკრაინის პრეზიდენტმა მისი დაპატიმრების განკარგულება გასცა

Published on

საქართველოს ექსპრეზიდენტი, მიხეილ სააკაშვილი საკუთარ ფეისბუქ გვერდზე საგანგებო პრესკონფერენციის ამსახველ ვიდეომასალას ავრცელებს. იგი აცხადებს, რომ  უკრაინის პრეზიდენტმა, პეტრო პოროშენკომ მისი დაპატიმრების შესახებ ბრძანება გასცა. მიხეილ სააკაშვილის ინფორმაციით პოროშენკო მის დაპატიმრებას სახელმწიფო გადატრიალების ბრალდებით გეგმავს. "დღეს ჩემთვის ცნობილი გახდა, რომ პოროშენკომ საბოლოოდ გადაკვეთა წითელი ხაზი და გასცა ჩემი დაპატიმრების განკარგულება უკრაინაში სახელმწიფო გადატრიალების მცდელობისთვის და კიდევ რაღაც გამოგონილი ოდესის საქმისთვის. ეს განკარგულება მან მისცა გენერალურ პროკურორს იური ლუცენკოს. მათ შემდგომი ორი- სამი დღის განმავლობაში, 3 დეკემბრისთვის დაგეგმილ მარშამდე უნდა განახორცილეონ ჩემი დაკავების იზოლაციისა და  განეიტრალების გეგმა.  იმ მიზნით, რომ ჩაახშონ მშვიდობიანი პროტესტი და უკრაინელი მოქალაქეების ნების გამოხატვა.  მათ წამოწიეს არ არსებული საქმეები, რომელიც  უკავშირდება ჩემი ოდესის გუბერნატორად მუშაობის პერიოდს. მათ სურთ, რომ ეს ყველაფერი მოარგონ კონკრეტულ ბრალს, მაგალითად ძალაუფლების ბოროტად გამოყენებას. მათ მისცეს დავალება დეპარტამენტს, რომელსაც კოვალენკო ხელმძღვანელობს. მოითხოვეს ჩემი ხმის ნიმუშები იმ მიზნით, რომ მოახდინონ აუდიო ჩანაწერების ფალსიფიკაცია და ამ ჩანაწერებს ჩემი დაკავების დღეს გამოაქვეყნებენ. ისინი ცდილობენ დაშინების გზით იმოქმედონ. სამ რიცხვამდე ჩამსვან წინასწარი დაკავების იზოლატორში  და ამგვარად ჩაკლან მშვიდობიანი პროტესტი უკრაინაში,"-განაცხადა მიხეილ სააკაშვილმა. 

სიახლეები

პრეზიდენტი ზურაბიშვილი, მედიის წარმომადგენლებს ხვდება

საქართველოს მეხუთე პრეზიდენტი კრიტიკული მედიის წარმომადგენლებს ხვდება და მიუნხენში გამგზავრებამდე მედიამენეჯერებისგან ისმენს მედიაში არსებული...

“თემურ ქათამაძის ჯანმრთელობის მდგომარეობის შესახებ ინფორმაცია არაერთხელ მოვითხოვეთ, თუმცა, შესაბამისი უწყებები ამ ცნობებს არ გვაწვდიან” -საია

"ახალგაზრდა იურისტთა ასოციაციის" ცნობით, ორგანიზაციამ აქციების დროს დაკავებული და 26 დღის განმავლობაში მოშიმშილე თემურ...

ლაშა გაბიტაშვილს, რომელსაც დღეს დილით სამი ნიღბიანი პირი საკუთარ სახლთან თავს დაესხა ტვინის შერყევა აქვს

ლაშა გაბიტაშვილს, რომელსაც დღეს დილით სამი ნიღბიანი პირი საკუთარ სახლთან თავს დაესხა ტვინის შერყევა...

EPP “ოცნების” ლიდერების დანსაქცირებას ითხოვს

მასობრივი რეპრესიების ფონზე მოქმედებაზე გადადის დასავლეთიც. ბრიუსელი ოლიგარქის და მისი მსახურების მიმართ ახალ მიზნობრივ...