სროლა იყო ცოტა ხნის წინ რკინიგზის სადგურთან.
როგორც თვითმხილველები ამბობენ, დაჭრილია ერთი მამაკაცი. გავრცელებული ინფორმაციით, მას სავარაუდოდ სამი პირი მისდევდა.
სამართალდამცველების გამოჩენის შემდეგ თავდამსხმელებმა მიმალვა სცადეს, თუმცა, პირმა, რომელსაც იარაღი ეკავა ხელში, გაქცევა ვერ მოახერხა და ადგილზე დააკავეს. იარაღი ამოღებულია.
სადგურის მოედანზე დაკავებული პირის წინააღმდეგ გამოძიება სისხლის სამართლის კოდექსის 236-ე მუხლით მიმდინარეობს, რაც იარაღის მართლსაწინააღმდეგო შეძენა-შენახვას გულისხმობს.
შსს ამ ეტაპისთვის მომხდარზე სხვა კომენტარს არ აკეთებს.