მთავარისიახლეებიმსოფლიოჩვენი მილიარდერი ნახევარ თბილისს ერთ ლარად ყიდულობს, ამერიკელი მილიარდერები კი მდიდრებისთვის...

ჩვენი მილიარდერი ნახევარ თბილისს ერთ ლარად ყიდულობს, ამერიკელი მილიარდერები კი მდიდრებისთვის გადასახადების შემცირებას ეწინააღმდეგებიან

Published on

400-ზე მეტი ამერიკელი მილიარდერი და მილიონერი მდიდრებისთვის გადასახადების შემცირებას ეწინააღმდეგება. . ინფორმაციას The Washington Post-ი ავრცელებს.
შესაბამისი წერილით მათ მიმართეს აშშ-ის კონგრესს, რომელმაც უნდა განიხილოს  სექტემბრის ბოლოს აშშ-ის პრეზიდენტის დონალდ ტრამპის მიერ წარდგენილი   გეგმა საგადასახადო სისტემის ცვლილებების შესახებ.  გამოცემის ცნობით, ეს ყველაზე მასშტაბური  ცვლილებებია აშშ-ში ბოლო სამი ათწლეულის განმავლობაში – ამ დროის მანძილზე   საგადასახადო სფეროში ასეთი რეფორმა არ განხორციელებულა.
 
კონგრესისადმი მიმართვას  ხელს აწერენ  ჯორჯ სოროსი, სტივენ როკფელერი, დიზაინერი ეილინ ფიშერი და სხვა ცნობილი მდიდარი ამერიკელები.
 
წერილში გადასახადების შემცირების მოწინააღმდეგეები წერენ, რომ რესპუბლიკური პარტიის მიერ შემოთავაზებული წინადადება, რომლის მიხედვითაც მდიდრებისთვის გადასახადები მცირდება, შეცდომის ტოლფასია. ამის მიზეზად კი ისინი აშშ-ის სახელმწიფო ვალის სიდიდეს ასახელებენ. 
 
ისინი მიიჩნევენ, რომ მდიდარი მოქალაქეებისთვის გადასახადი უნდა გაიზარდოს და არა შემცირდეს და დასძენენ, რომ ამერიკული კომპანიების მოგება რეკორდულად მაღალია და მათ დამატებითი ფული არ სჭირდებათ.
 
"მთავრობამ უნდა გამოყოს თანხები ისეთი მიზნებისთვის, რომლებითაც ყველა ისარგებლებს: განათლება, მეცნიერება, ინფრასტრუქტურული პროექტები, მედიკამენტები, ჯანმრთელობის დაზღვევა და სხვა", – წერია წერილში.
 
 ასე რომ, სანამ ჩვენი მილიარდერი ნახევარ თბილისს ერთ ლარად ყიდულობს, ამერიკელი მილიარდერები  მდიდრებისთვის გადასახადების შემცირებას ეწინააღმდეგებიან
 

სიახლეები

პრეზიდენტი ზურაბიშვილი, მედიის წარმომადგენლებს ხვდება

საქართველოს მეხუთე პრეზიდენტი კრიტიკული მედიის წარმომადგენლებს ხვდება და მიუნხენში გამგზავრებამდე მედიამენეჯერებისგან ისმენს მედიაში არსებული...

“თემურ ქათამაძის ჯანმრთელობის მდგომარეობის შესახებ ინფორმაცია არაერთხელ მოვითხოვეთ, თუმცა, შესაბამისი უწყებები ამ ცნობებს არ გვაწვდიან” -საია

"ახალგაზრდა იურისტთა ასოციაციის" ცნობით, ორგანიზაციამ აქციების დროს დაკავებული და 26 დღის განმავლობაში მოშიმშილე თემურ...

ლაშა გაბიტაშვილს, რომელსაც დღეს დილით სამი ნიღბიანი პირი საკუთარ სახლთან თავს დაესხა ტვინის შერყევა აქვს

ლაშა გაბიტაშვილს, რომელსაც დღეს დილით სამი ნიღბიანი პირი საკუთარ სახლთან თავს დაესხა ტვინის შერყევა...

EPP “ოცნების” ლიდერების დანსაქცირებას ითხოვს

მასობრივი რეპრესიების ფონზე მოქმედებაზე გადადის დასავლეთიც. ბრიუსელი ოლიგარქის და მისი მსახურების მიმართ ახალ მიზნობრივ...