შეზღუდული შესაძლებლობის მქონე ბავშვების მიმართ საზოგადოებაში არსებული ნეგატიური განწყობების წინააღმდეგ მიმართული კამპანია #დაინახეყველაფერი ზუგდიდში რეგიონალურ პრეზენტაციას მართავს. გაეროს ბავშვთა ფონდის წარმომადგენლები შოთა მესხიას სახელმწიფო სასწავლო უნივერსიტეტის სტუდენტებსა და პროფესორ-მასწავლებლებს შეხვდნენ. შეხვედრის ფარგლებში ნაჩვენები იქნა კამპანიის ფარგლებში გადაღებული ცნობიერების ცვლილებებზე ორიენტირებული მოკლემეტრაჟიანი დოკუმენტური ფილმები შეზღუდული შესაძლებლობის მქონე ბავშვების და მათი თანატოლი ახალგაზრდების მონაწილეობით.შეხვედრა დისკუსიის რეჟიმში წარიმართა, ახალგაზრდები გაეცნნენ ადგილობრივი შეზღუდული შესაძლებლობის მქონე ახალგაზრდების მიღწევებსა და წარმატების ისტორიებს.კამპანიის წარმომადგენლები ასევე ეწვევიან ზუგდიდის პირველ და მეორე საჯარო სკოლებს, სადაც აქტიური საგანმანათლებლო და სახალისო ვიქტორინებით გააცნობენ მოზარდებს კამპანიის შეზღუდული შესაძლებლობის მქონე ადამიანების მიმართ არსებულ მითებსა და საპირისპირო რეალობას.