პაკისტანში ჩამოწოლილ მეწყერს რვა ბავშვი ემსხვერპლა

0
409
 პაკისტანში  ჩამოწოლილ მეწყერს  რვა ბავშვი ემსხვერპლა,  კიდევ ორი მძიმედ არის დაშავებული. ბავშვები  8 – 10 წლისანი იყვნენ, 7 გოგონა და ერთი ბიჭი, მიწიდან ცოცხლად ამოყვანილი ორი  მოზარდიც გოგონაა. ამ უკანასკნელთა  დამეწყრილი ადგილიდან ამოსაყვანად მაშველებთან ერთად რამდენიმე საათი იბრძოდა მოსახლეობა.  
უბედურება გუშინ მოხდა, ქვეყნის ჩრდილო-დასავლეთში, ავღანეთტან მოსაზღვრე  ბაჯორის რეგიონში  მდებარე მაღალმთიან სოფელ გაიდაიში,  როცა ბავშვები თავიანთი სახლების გასამაგრებლად მიწას თხრიდნენ. 
პაკისტანის ამ მხარეში სოფლად მცხოვრებნი წვიმებისა და თოვის სეზონის წინ ხშირად ამაგრებენ თავიანთ სახლებს მიწის დამატებითი ფენებით,  როგორც წესი,  ამ მიწას სოფლების შორიახლო თხრიან  და სახლებში ეზიდებიან ბავშვები და ქალები. ამჯერად მეწყერში მხოლოდ ბავშვები მოყვნენ. 
ამ სეზონში ეს პირველი შემთხვევა არ არის – აგვისტოში მსგავს შემთხვევებს და წყალდიდობებს ჯამში 400 – მე ადამიანი ემსხვერპლა 

 

 

წინა სტატიაე.წ. ადლერის გამშვებ პუნქტზე რუსეთის ფედერაციის სპეციალიზებული საბაჟო საგუშაგო ამოქმედდა
შემდეგი სტატიაარქეოლოგიური აღმოჩენა ეგვიპტეში, ატონის საკულტო ტაძარში
ტელეკომპანია ოდიშის საინფორმაციო სამსახური