საქართველოში 3 ნოემბრამდე ცივი ამინდი შენარჩუნდება, მოსალონელია თოვლი

0
403
  გარემოს ეროვნული სააგენტოს ჰიდრომეტეოროლოგიური პროგნოზების სამსახურის ცნობით, ხვალ დასავლეთ საქართველოს უმეტეს და აღმოსავლეთ საქართველოს ზოგიერთ რაიონში  წვიმაა მოსალოდნელი. მთაში მოთოვს.
ცივი ამინდი 3 ნოემბრის ჩათვლით შენარჩუნდება.
2 ნოემბერს, დღისით ქვეყნის მთელ ტერიტორიაზე გამოიდარებს, თუმცა, ცივი ამინდი შენარჩუნდება და ღამით ტემპერატურა მნიშვნელოვნად დაიკლებს. კერძოდ, 3 ნოემბრის ღამეს, აღმოსავლეთ საქართველოს ბარში, შიდა ქართლში (გორსა და აგარაში) – 3 გრადუსი დაფიქსირდება. 
 
31 ოქტომბრიდან 2 ნოემბრის ჩათვლით, საქართველოს დაბლობსა და ბარში ჰაერის მაქსიმალური ტემპერატურა დღისით 9–14 გრადუსი იქნება.
 
საქართველოში ასევე უნალექო ამინდია მოსალოდნელი 3 ნოემბერსაც. დასავლეთ საქართველოს დაბლობში კი ჰაერის ტემპერატურა დღისით 19 გრადუსამდე მოიმატებს, აღმოსავლეთ საქართველოს ბარში 10–14 გრადუსი იქნება. 
 
რაც შეეხება თბილისს, დედაქალაქში დღეს 14 გრადუსი იქნება, 1–3 ნოემბერს კი, 13 გრადუსი. ყველაზე დაბალი ტემპერატურა თბილისში ღამით, 3 ნოემბერსაა მოსალოდნელი და 3 გრადუსი იქნება.
წინა სტატიაშავი არქეოლოგია და აღებ-მიცემობა ოკუპირებულ აფხაზეთში. ერმიტაჟში 2001 წელს სხვადასხვა კოლექციონერებისგან შეძენილი არტეფაქტები გამოფინეს
შემდეგი სტატიახვალიდან ჭკვიანი კამერები ამოქმედდება
ტელეკომპანია ოდიშის საინფორმაციო სამსახური