წალენჯიხის მუნიციპალიტეტის სოფელ მუჟავაში, რომელიც დე ფაქტო აფხაზეთის მოსაზღვრე სოფელია, ქართველ მესაზღვრეს იარაღი გაუვარდა. ტყვიამ მის გვერდით მდგომი 19 წლის ჯარისკაცის ბ.რ-ს სიცოცხლე იმსხვერპლა.
დაჭრილი შსს-ს სპეც დანიშნულების მანქანით გადაყვანილ იქნა ზუგდიდის წმინდა ლუკას სახელობის საავადმყოფოში, თუმცა როგორცკლინიკის სამედიცინო მენეჯერი ნიკა ჭეჟია ,,ოდიში ნიუსთან'' აცხადებს, დაჭრილი საავადმყოფოში მიყვანამდე გარდაცვლილი იყო. ბ.რ-ს ყბის არეში აღენიშნებოდა ჭრილობა.
შსს-ს ცნობით, საქმე აღძრულია სსსკ-ის 116-ე მუხლით , რაც გაუფრთხილებლობით სიცოცხლის მოსპობას გულისხმობს.