ზუგდიდში მმართველი პარტიის კოორდინატორები დევნილებს ხმის მიცემის სანაცვლოდ თანხას სთავაზობენ- ” შენების მოძრაობა”

0
335
შენების მოძრაობის“ ზუგდიდის ერთ-ერთი უბნის მაჟორიტარი დეპუტატობის კანდიდატის, მაია ღურწკაიას ინფორმაციით, მმართველი გუნდის კოორდინატორები, ლაღიძის ქუჩაზე, დევნილთა ჩასახლებაში, იძულებით გადაადგილებულ პირებს არჩევნებზე მმართველი გუნდისთვის ხმის მიცემისკენ მოუწოდებენ, რის სანაცვლოდაც გარკვეულ თანხას სთავაზობენ. მისივე თქმით, არსებობს შესაბამისი ვიდეო მასალა.”შენების მოძრაობის” წარმომადგენელი სხვა დარღვევებზეც საუბრობს. „90-ე საარჩევნო უბანზე, სადაც ხმას მხოლოდ დევნილები აძლევენ, რამდენიმე ადგილობრივი ამომრჩეველი დავაფიქსირე. ვნახე დევნილთა წარმომადგენლობის თანამშრომელიც, რომელმაც საკუთარი მანქანით მოიყვანა ამომრჩევლები. მეექვსე უბანზე გამგეობის ერთ-ერთი თანამშრომელი, რომელსაც მარკირება უკვე გაკეთებული ჰქონდა, ხმის მიცემას ცდილობდა“, – აღნიშნა ღურწკაიამ.თავის მხრივ, მმართველი პარტიის საარჩევნო შტაბში აცხადებენ, რომ აღნიშნული ინფორმაცია სიმართლეს არ შეესაბამება.
წინა სტატიასამეგრელოში აზიური ფარვანაც აძლევს ხმას – ვის სასარგებლოდ, ძნელი მისახვედრი არ არის
შემდეგი სტატია54% კახი კალაძე, 15% ზაალ უდუმაშვილი, 14% ალეკო ელისაშვილი – “ედისონ რისერჩის” ეგზიტპოლების შედეგები
ტელეკომპანია ოდიშის საინფორმაციო სამსახური