მარნეულში ძალოვნების დამატებითი რაზმი ჩაიყვანეს

0
435
მარნეულში პოლიციის შენობასთან სპეციალური სამსახურის თანამშრომლები გამოჩნდნენ.. ისინი პოლიციის შენობასთან ორი ე.წ. ყვითელი ავტობუსებით მივიდნენ.  ძალოვნების დამატებითი რაზმი მარნეულში პრევენციის მიზნით ჩაიყვანეს. – ინფრმაციას ამის შესახებ ,,ინტერპრესნიუსი'' ავრცელებს
 
სპეცდანიშნულების რაზმის წარმომადგენლები საარჩევნო უბნებზე არ გამოჩენილან. 
 
დღეს დილოდან მარნეულში, ისევე , როგორც მთელ წინასაარჩევნო პერიოდში, დაძაბულობაა. 
”ევროპული საქართველო” ”ქართულ ოცნებას” მარნეულში სხვადასხვა სახის დარღვევებში, მათ შორის  ფიზიკურ ძალადობაში ადანაშაულებს. როგორც ”ევროპული საქართველოს” მერობის კანდიდატმა ახმედ იმამკულიევმა ჟურნალისტებთან საუბრისას განაცხადა, „სოფელ ქვემო სარალში მათ ერთ-ერთ მხარდამჭერს ”ქართული ოცნების” მაჟორიტარობის კანდიდატმა ირქაზიმ აგუბოვმა ფიზიკური შეურაცხყოფა მიაყენა იმის გამო, რომ ის ”ევროპული საქართველოს” მხარდამჭერი იყო“. 
”ევროპული საქართველოს” წევრები ამბობენ, რომ სოფელ ქვემო სარალში 58-ე საარჩევნო უბანთან სიტუაციას აკვირდება პოლიციის მაღალჩინოსნის მამა, რაც დარღვევაა. 
 
ჟურნალისტებთან კომენტარი გააკეთა ცენტრალური საარჩევნო კომისიის წარმომადგენელმა ალექსანდრე გიორგაძემ და აღნიშნა, რომ ფიზიკური დაპირისპირების ფაქტთან დაკავშირებით მას ინფორმაცია არ აქვს. 
რაც შეეხება საარჩევნო უბნის მიმდებარე ტერიტორიაზე სხვადასხვა პარტიების მხარდამჭერთა მობილიზებას, გიორგაძის თქმით, პარტიის მხარდამჭერები საარჩევნო უბნიდან მოშორებით იმყოფებიან, რაც პრობლემას არ წარმოადგენს. 

წინა სტატია,,ევროპული საქართველო” ცესკო-ს თავმჯდომარეს საარჩევნო დარღვევების იგნორირებაში ადანაშაულებს
შემდეგი სტატია“მოქალაქეებმა მეტი აქტივობა უნდა გამოიჩინონ და დააფიქსირონ საკუთარი არჩევანი.”- ლაშა გოგია
ტელეკომპანია ოდიშის საინფორმაციო სამსახური