აღსანიშნავია, რომ გახმაურებული სკანდალის გამო ჰარვი ვაინშტაინს მეუღლე შორდება – დიზაინერმა ჯორჯინა ჩეპმენმა ოფიციალური განცხადება გააკეთა:

„ჩემი გული გატეხილია ყველა იმ ქალის გამო, რომლებიც ამ ყველაფრით დაზარალდნენ. გადავწყვიტე, ქმარს დავშორდე. ჩემი შვილები ჩემთვის პრიორიტეტია, ამიტომ ვთხოვ მედიას, ნუ შეგვაწუხებენ ამ მძიმე პერიოდში“, – განაცხადა ჯორჯინა ჩეპმენმა, რომელმაც ოსკაროსან პროდიუსერზე 2007 წელს იქორწინა და მისგან ორი შვილი ჰყავს.

 

ჰოლივუდში სულ უფრო მეტი მსახიობი ჩნდება, რომელიც ჰარვი ვაინშტაინის სკანდალზე კომენტარს აკეთებს. ცნობილი პროდიუსერის შესახებ ინტიმური ხასიათის შევიწროებაზე ამჯერად ა კლასის მსახიობები ალაპარაკდნენ, მათ შორის არიან ანჯელინა ჯოლი და გვინეტ პელტროუ.

 

 

გვინეტ  პელტროუმ იხსენებს,როგორ მიიღო 22 წლის ასაკში მთავარი როლი ფილმში „ემა“, რომელიც მისი ერთ-ერთი პირველი დიდი როლი გახდა. ფილმის პროდიუსერი სწორედ სკანდალური ჰარვი იყო, რომელმაც დამწყებ მსახიობს სექსუალური ურთიერთობა შესთავაზა.

„ბავშვი ვიყავი. დამამტკიცეს როლზე. შოკირებული ვიყავი“, – იხსენებს გვინეტი.

მსახიობმა დაამატა, რომ ინციდენტის შესახებ ბრედ პიტს აცნობა, რომელსაც მაშინ ხვდებოდა. მაშინ პიტმა პროდიუსერთან საქმის გარჩევა მოინდომა, მოგვიანებით კი ვაინშტაინმა პელტროუს სთხოვა, რომ ეს ისტორია არავისთვის ეთქვა.

 

 ანჯელინა ჯოლი აცხადებს, რომ  მსგავსი შემთხვევა ფილმის „Playing by Heart“ ჰქონდა. ვარსკვლავის თქმით, ერთ-ერთი საქმიანი შეხვედრა ჰარვიმ სასტუმროში დაუნიშნა, სადაც მას საძინებელში შესვლა შესთავაზა.

„ახალგაზრდობაში ჰარვი ვაინშტაინთან ურთიერთობის ცუდი ურთიერთობა მქონდა. შედეგად გადავწყვიტე, მას აღარასოდეს შევხებოდი“, – განაცხადა ჯოლიმ. 

 

 

65 წლის პროდიუსერი ჰარვი ვაინშტეინი ჰოლივუდში   სექსუალური ძალადობის თემაზე ღია განხილვის მთავარი ობიექტი მას შემდეგ გახდა, რაც. The New York Times-მა გამოაქვეყნა სტატია, რომლის ავტორი ამტკიცებს, რომ  პროდიუსერი, The Weinstein Company-ის თანადამაარსებელი და Miramax Films-ის უფროსი ჰარვი ვაინშტეინი სექსუალურად ძალადობდა თავისი კომპანიების თანამშრომლებსა და ახალგაზრდა მსახიობ ქალბატონებზე .