,,დანაღმული” ოქტომბერი – მოსკოვში ერთი დღე-ღამის განმავლობაში 160 ათასი ადამიანია ევაკუირებული

0
398
რუსული მედიის ინფორმაციით, მოსკოვში 6 ოქტომბერს,  ერთი დღე-ღამის განმავლობაში 160 ათასი ადამიანია ევაკუირებული. ევაკუაციის გადაწყვეტილება შესაბამისმა ორგანოებმა მიიღეს ბომბის არსებობის შესახებ ანონიმური ზარების გამო, რომელიც 11 საათიდან გვიან ღამემდე არ წყდებოდა. .ევაკუაცია განხორციელდა სავაჭრო ცენტრებსა და სადგურებში, ასევე სკოლებსა და ადმინისტრაციულ დაწესებულებებში. 
 
ანონიმური ზარების ტალღა რუსეთში ერთი თვის წინ დაიწყო. 13 სექტემბერს მოსკოვის სხვადასხვა ადგილებიდან აფეთქებების საფრთხის შესახებ მიღებული შეტყობინებების გამო 20 000 ადამიანის ევაკუაცია განხორციელდა. რუსული მედიის ცნობითვე, რამდენიმე დღით ადრე საფრთხის შესახებ ანონიმური ზარების გამო ქვეყნის 22 ქალაქში 45 000 ადამიანის ევაკუაცია განხორციელდა. 
 
 რუსეთის საგამოძიებო სამსახურებმა განაცხადეს, რომ ზარების ორგანიზატორების ვინაობა დადგენილია – ისინი საზღვარგარეთ მცხოვრები რუსეთის მოქალაქეები არიან. 
 
წინა სტატიამნიშვნელოვანი არქეოლოგიური ნაპოვნი ნიკო ნიკოლაძის კოშკში
შემდეგი სტატიაჩინეთის თავზე გიგანტური მეტეორი აფეთქდა
ტელეკომპანია ოდიშის საინფორმაციო სამსახური