აშშ საგანგებო და სრულუფლებიანი ელჩის მოადგილე სანაპირო დაცვის ფოთის ბაზას ესტუმრა

0
444
გუშინ საქართველოს შსს-ს სასაზღვრო პოლიციის სანაპირო დაცვის ფოთის ბაზას ამერიკის შეერთებული შტატების საგანგებო და სრულუფლებიანი ელჩის მოადგილე, ელიზაბეტ რუდი სტუმრობდა. 
 
ელჩის მოადგილე აშშ–ის დახმარებით განხორციელებულ პროექტებს გაეცნო და თანამშრომლებს გაესაუბრა. 
 
მისი თქმით, ამერიკის საელჩო საქართველოსთან პარტნიორებით ამაყობს.
 
”პირადად გავეცანი მნიშვნელოვან და პოზიტიურ ცვლილებებს. ამერიკის შეერთებული შტატების საელჩო ამაყობს ქართველი პარტნიორებით. ძალიან მიხარია, როცა ვხედავ, თუ როგორ ეფექტურად ხორციელდება ჩვენი პროექტები. ფოთის სანაპირო დაცვა არა მხოლოდ სანაპირო ზოლს იცავს, არამედ შავი ზღვის მთელ რეგიონში უსაფრთხოებას უზრუნველყოფს. ვფიქრობ, ამერიკის საელჩო ფოთის სანაპირო დაცვის ბაზასთან თანამშრომლობას გააგრძელებს,“- აღნიშნა ელიზაბეტ რუდმა. 
 
სანაპირო დაცვის დეპარტამენტის დირექტორის თემურ კვანტალიას თქმით, აშშ-ის დახმარებით განხორციელებული პროექტები მნიშვნელოვანია. მისივე განცხადებით, იგი ავითარებს სანაპირო დაცვის ფლოტის მომსახურების ეფექტიანობასა და ხარისხს.
წინა სტატიაფერადი ამბები გადაცემა 68 (Video)
შემდეგი სტატიამარტვილის კანიონი იმ ხუთეულშია, რომელსაც ამ ზაფხულს ყველაზე მეტი ვიზიტორი ჰყავდა
ტელეკომპანია ოდიშის საინფორმაციო სამსახური