გუშინდელი აქციის დროს დაკავებული პირების სასამართლო პროცესი 17 ოქტომბრისთვის გადაიდო

0
421
თბილისის მერიასთან ”ნაციონალური მოძრაობის” გუშინდელი აქციის დროს დაკავებული პირების სასამართლო პროცესი 17 ოქტომბრისთვის გადაიდო. შემდეგ სასამართლო პროცესამდე, ყველა დაკავებული პირი სასამართლო დარბაზიდან გათავისუფლდა. 
 
სხდომის გადადების მიზეზი მოსამართლის დადგენილება გახდა. მოსამართლე ნინო ჭალიძის გადაწყვეტილებით, მერიას სასამართლოსგან გაეგზავნება დადგენილება, რომ სასამართლოს წარუდგინოს აქციის ამსახველი სათვალთვალო ვიდეოკამერების ჩანაწერები. 
რაც შეეხება ვადას, მერიამ აღნიშნული ჩანაწერები დადგენილების ჩაბარებიდან 5 დღის განმავლობაში უნდა წარადგინოს. 
 
გარდა ამისა, მოსამართლემ სამართალდამცველებს, რომლებიც ამ პირების დაკავებაში მონაწილეობდნენ, მიმართა, თუ ჰქონდათ დაკავების ამსახველი ვიდეოჩანაწერები, რასთან დაკავშირებითაც სამართალდამცველებმა განმარტეს, რომ აქციის პერიოდში იყო წვიმა, ეცვათ საწვიმარი ლაბადები და სამხრე კამერებით ჩაწერას ვერ მოახერხებდნენ. 
 
გუშინ თბილისის მერიასთან „ნაციონალური მოძრაობის“ მხარდამჭერების მიერ გამართულ აქციაზე 6 პირი დააკავეს. 
შინაგან საქმეთა სამინისტროს ინფორმაციით, თბილისის მერიასთან გამართულ აქციაზე 6 ადამიანი ადმინისტრაციულ სამართალდარღვევათა კოდექსის 166-ე და 173-ე მუხლებით გათვალისწინებული ქმედებისთვის დააკავეს.
წინა სტატიაუკრაინის გენპროკურორი: არის გარემოებები, რაც ხელს უშლის მიხეილ სააკაშვილის ექსტრადირებას
შემდეგი სტატიაზუგდიდში ოპოზიციური პარტიების საარჩევნო პლაკატები და ბანერები ჩამოხიეს
ტელეკომპანია ოდიშის საინფორმაციო სამსახური