ოპოზიციური პარტიები და სამოქალაქო სექტორი პრეზიდენტს მოუწოდებენ გამოიყენოს ვეტოს უფლება კონსტიტუციის პროექტთან მიმართებაში

0
389
ოპოზიციური პარტიები და სამოქალაქო სექტორი  პრეზიდენტს მოუწოდებენ გამოიყენოს ვეტოს უფლება კონსტიტუციის პროექტთან მიმართებაში. 
 
არასამთავრობო ორგანიზაციებში აცხადებენ, რომ მმართველმა გუნდმა უგულებელყო ვენეციის კომისიის, პოლიტიკური პარტიებისა და არასამთავრობო ორგანიზაციების ყველა რეკომენდაცია და საკონსტიტუციო პროექტი ერთპიროვნულად შეიმუშავა.
 
„იმის ნაცვლად, რომ შემცირებულიყო და ამ კონსტიტუციას უფრო მეტი კონსოლიდაცია მოეხდინა პოლიტიკური ძალების, გამოვიდა, რომ კიდევ უფრო პოლარიზებული არის საზოგადოება და პოლიტიკური გარემო. როგორ შეუძლია ხელისუფლებას ეს პროცესი აიცილოს, ეს არის ალბათ ძალიან მარტივი თუკი ის მთავარი საკვანძო საკითხი, რაც შეეხება საარჩევნო სისტემის დაუყოვნებლივ ცვლილებას, ეს საკითხი იქნება გათვალისწინებული,“-აცხადებს ”სამართლიანი არჩევნებისა და დემოკრატიის საერთაშორისო საზოგადოების” აღმასრულებელი დირექტორი მიხეილ ბენიძე.
 
თუმცა მიუხედავად ამმოწოდებისა, არასამთავრობო ორგანიზაციები დაუფარავად აცხადებენ, რომ   მმართველი გუნდისგან მოტივირებული შენიშვნების გათვალისწინების იმედი არ აქვთ და ვეტოს დაძლევას წინ ვერაფერი დაუდგება. 

„მოვუწოდებ საქართველოს პრეზიდენტს, ვეტო დაადოს აღნიშნულ კანონპროექტს. ეს იქნება შანსი უმრავლესობისათვის, რათა მან შეძლოს და მიიღოს კონსენსუსური დოკუმენტი. თუმცა სამწუხაროდ, ის ერთწლიანი პროცესი, რომელიც საკონსტიტუციო რეფორმის ფარგლებში მიმდინარეობს, არ მაძლევს განსაკუთრებული იმედის ქონის საშუალებას,“ – აცხადებს კონსტიტუციონალისტი კოტე ჩოკორაია.

 
რაც შეეხება ოპოზიციის გეგმებს, "ნაციონალური მოძრაობის" წარმომადგენლის, სალომე სამადაშვილის ინფორმაციით, ოპოზიციური პარტიები ამაზე დღეს იმსჯელებენ.
 
"ჩვენ უნდა გვესმოდეს, რომ ვენეციის კომისია აკეთებს კონსტიტუციის პროექტის სამართლებრივ შეფასებას, მაგრამ კონსტიტუცია, პირველ რიგში, პოლიტიკური დოკუმენტია. ამიტომ უმთავრესი მოთხოვნა, რაც იყო წაყენებული საკონსტიტუციო პროცესთან, ეს იყო პოლიტიკური კონსენსუსის შექმნა. ფაქტია, რომ ეს კონსენსუსი ვერ შედგა. დღეს გაიმართება კიდევ ერთი შეხვედრა ოპოზოციურ პარტიებს შორის, რომლებიც მოქმედების ერთობლივ გეგმას დასახავენ და მე ძალიან დიდი იმედი მაქვს, რომ საქართველოს პრეზიდენტი გამოიყენებს ვეტოს უფლებას იმ შემთხვევაში, თუ შემოთავაზებული პროექტის დამტკიცება რიგგარეშე სესიაზე მიმდინარე კვირას მაინც მოხდება",- განაცხადა სამადაშვილმა.
 
შეგახსენებთ, დღეს პარლამენტის თავმჯდომარემ ირაკლი კობახიძემ პრეზიდენტს პარლამენტის რიგგარეშე სხდომის მოწვევის თხოვნით მიმართა –  რიგგარეშე სხდომა უნდა გაიმართოს საკონსტიტუციო ცვლილებების მესამე მოსმენით მიღების მიზნით.
 
 

 
წინა სტატია,,ოპოზიციური უკრაინა მიხეილ სააკაშვილის გარშემო ერთიანდება” – წერს უკრაინული მედია
შემდეგი სტატიაზუგდიდის მერობის დამოუკიდებელმა კანდიდატმა ზვიად სიჭინავამ შესაძლოა Outdoor.ge-ს სასამართლოში უჩივლოს
ტელეკომპანია ოდიშის საინფორმაციო სამსახური