საქართველოს მესამე პრეზიდენტი და უკრაინის ახალ ძალთა მოძრაობის ლიდერი მიხეილ სააკაშვილი არ ესწრება სასამართლო პროცესს, რომელიც ლვოვის ოლქის მოსტისკას რაიონულ სასამართლოში დაიწყო. როგორც სააკაშვილმა გუშინ განაცხადა, ის დღეს მოსახლეობას ხვდება ქალაქ ჩერკასიში , სადაც ზაპოროჟიეში გამართული შეხვედრის შემდეგ ჩავიდა.
სასამართლო განხილვა მიმდინარეობს მიხეილ სააკაშვილისადმი წაყენებული საზღვრის უკანონო გადაკვეთის ბრალდების საფუძველზე.
საქმეს მოსამართლე იური ბილოუსი განიხილავს.
ხელისუფლება ცდილობს დაიცვას ,,მუნდირის ღირსება'' და მიხეილ სააკაშვილის დაკავებისა და მისი ექსტრადიციის შესახებ ხმაურიანი განცხადებების შემდეგ ჯარიმა მაინც ,,გამოჭრას'' ქვეყანაში ლაღად მოსიარულე პოლიტიკოსისთვის თუ პოლიტიკოსისგან, რომელსაც ყველგან (კიევის ჩათვლით), სადაც აქამდე ჩავიდა, მოსახლეობა სიხარულითა და იმედებით ხვდება.
მიხეილ სააკაშვილი კი აცხადებს, რომ ჯარიმას არ გადაიხდის, რადგან კანონი არ დაურღვევია.