ლვოვის ოლქში საქართველოს მესამე პრეზიდენტ მიხეილ სააკაშვილის სასამართლო პროცესი 22 სექტემბრამდე გადაიდო.
მოსამართლემ მესაზღვრეებისგან დამატებითი ინფორმაცია მოითხოვა, მტკიცებულებების წარსადგენად კი დრო პარასკევამდე მისცა.
სასამართლომ დღეს მიხეილ სააკაშვილის საქმეზე – საზღვრის უკანონოდ კვეთის ადმინისტრაციულ სამართალდარღვევაზე, დაიწყო მსჯელობა, რომელიც დამტკიცების შემთხვევაში, სანქციის სახით ჯარიმას ითვალისწინებს.
დღეს სასამართლოს შენობასთან ხელისუფლებამ 150 პოლიციელი და 40 მესაზღვრე მიიყვანა. პროცესის დაწყებამდე მიხეილ სააკაშვილმა ჟურნალისტებს განუცხადა, რომ ბრალდებები, რომლელიც მას საზხრვრის გადაკვეთისთვის აქვს წაყენებული, აბსურდულია, რადგან მან თავის მხარდამჭერებთან ერთად ევროპული სამართლის ყველა წესის დაცვით გადაკვეთა და მისი მხრიდან არანაირ დარღვევა ადგილი არ ჰქონია.
„ორი დღის წინ პოლონელი მესაზღვრეებისგან ჩვენ მივიღეთ დოკუმენტი იმასთან დაკავშირებით, რომ კანონისა და საზღვრის დარღვევა ჩვენი მხრიდან არ მომხდარა. ჩვენ ჩვეულებრივ გამოვიარეთ პოლონეთის საზღვარი. ახლა ესენი გვიმტკიცებენ, რომ მე და ჩემმა თანამებრძოლებმა დავარღვიეთ სახელმწიფო საზღვარი. ვინ იტყუება, ეს რიტორიკული კითხვაა. პოლონელებს არაფერში ჭირდებათ ტყუილი, რომ ბანკოვას ქუჩაზე მოკალათებულებს უნდათ, რომ საპირისპირო ამტკიცონ. შევხედავთ რა იქნება. მთავარია, რომ არაფერი დამირღვევია,“ – განაცხადა მიხეილ სააკაშვილმა.
უკრაინული მედია წერს, რომ ხელისუფლებას ძალიან გაუჭირდა მოსამართლის პოვნა, რომელიც ამ საქმის განხილვას მოჰკიდებდა ხელს. დღესაც დამატებითი ინფორმაციის შეკრებისათვის საჭირო დროის მომიზეზება სხვა არაფერი იყო, თუ არა დროის გაყვანის მცდელობა.