ვის უხმობს ზარი, რომელსაც ირმა ინაშვილი აჟღრიალებს

0
377

 „პატრიოტთა ალიანსის“ ლიდერი ირმა ინაშვილი მოუწოდებს ბიძინა ივანიშვილს, საჯაროდ ჩაერთოს პოლიტიკურ პროცესებში, რადგან ქვეყანაში პოლიტიკური კრიზისია.

„პატრიოტთა ალიანსის" თბილისის მერობის კანდიდატის აზრით, ბიძინა ივანიშვილი არაფორმალური მმართველი არ არის, ის მნიშვნელოვანი ფიგურაა  პოლიტიკაში, რომელშიც  დღეს ოფიციალურად არ არის და დროა საჯაროდ ჩაერთოს მასში. 
 
„რბილი დიქტატურის დამყარების ნიშნებია, მართალია პატიმრებს აღარ აწამებენ, მაგრამ სისტემის უზურპაცია საარჩევნოდ ნიშნავს, რომ გადახვალ მედიაზე… ქვეყანაში ერთპარტიული დიქტატურა მყარდება. ბიძინა ივანიშვილი დღეს პოლიტიკაში არ არის. მე არ ვიტყოდი, რომ არაფორმალური მმართველია იმიტომ, რომ ბიძინა ივანიშვილს რამდენჯერმე მოვუწოდე, საჯაროდ გამობრძანდეს და დღეს, როდესაც ქვეყანაში პოლიტიკური კრიზისია, მისი დაპირება შეასრულოს. მან თქვა, რომ თუ იქნება კრიზისი ქვეყანაში, მე გამოვალ და ამ პროცესებში ჩავერევი. ბატონო ბიძინა, ქვეყანაში პოლიტიკური კრიზისია, მოახდინეს კონსტიტუციისა და საარჩევნო სისვრცის უზურპაცია თქვენმა მოყვანილმა ადამიანებმა და ამ პროცესში საჯაროდ ჩაერთეთ,“- განაცხადა ირმა ინაშვილმა. 
 
 "პატრიოტთა ალიანსი" საქართველოს ნატოსთან ინტეგრაციის წინააღმდეგი არ არის და ამავე დროს  რუსეთთან პირდაპირი დიალოგის მომხრეა''. 
„ის, ვინც ამბობს, რომ არ არის საჭირო პირდაპირი დიალოგი აფხაზებთან, პირდაპირი დიალოგი ოსებთან და პირდაპირი დიალოგი მოსკოვთან, იმისთვის, რომ აღვადგინოთ ჩვენი ქვეყნის ტერიტორიული მთლიანობა, ზუსტადაც ის არის ქვეყნის მოღალატე და ქვეყნის ინტერესების გამყიდველი. “ 
,,გიორგი კვირიკაშვილი ბოკერია-კვესიტაძის „იდეოლოგიის მძევალია“ და პრემიერს და მმართველ გუნდს ამისგან გათავისუფლებას და რუსეთთან დიალოგის გააქტიურებისკენ მოვუწოდებს''.
 
ეს და სხვა განცხადებები ირმა ინაშვილმა ,,განსხვავებულ აქცენტებში'' გააკეთა. 
 

წინა სტატიახატია ბუნიათიშვილი: ნაფიქრი მაქვს, როგორ უნდა განვითარდეს პოლიტიკა, რადგან იგი ახლა „გახრწნის პირასაა“
შემდეგი სტატიახულოში, სოფელ კვატიაში გუშინ გაჩენილ ხანძარს ებრძვიან
ტელეკომპანია ოდიშის საინფორმაციო სამსახური