,, ნინო ბურჯანაძისა და ,,ევროპული საქართველოს” ღირებულებებში განსხვავება არ არის” – განცხადება, რომლის გამოც პარტიამ ქობულეთის მერობაზე წარდგენილი კანდიდატურა მოხსნა

0
397
,,ევროპულმა საქართველომ'' მოხსნა  ელგუჯა გოგმაჩაძის კანდიდატურა, რომელიც ქობულეთის მერობის კანდიდატად  2 სექტემბერს წარადგინა.  უახლოეს მომავალში პარტია ევროპული საქართველო ახალ კანდიდატს წარადგენს. –  ამასთან დაკავშირებით პარტია ოფიციალურ განცხადებას ავრცელებს. 
 
"გაზეთმა ,,ბათუმელებმა'' ევროპული საქართველოს ქობულეთის მერობის კანდიდატთან, ელგუჯა გოგმაჩაძესთან ინტერვიუ გამოაქვეყნა, სადაც მან   ნინო ბურჯანაძის პოლიტიკური ძალის მიმართ სიმპათია გამოხატა. ნინო ბურჯანაძის შეხედულებები ფუნდამენტურად შეუთავსებელია ევროპული საქართველოს პოლიტიკურ ღირებულებებსა და პოზიციებთან. ევროპული საქართველოს სახელით ასეთი შეხედულებების მქონე პოლიტიკოსები არჩევნებზე ვერ იბრძოლებენ. ამიტომ პარტიის სამდივნოსა და რეგიონული ორგანიზაციის შეთანხმებით, ელგუჯა გოგმაჩაძე აღარ იქნება 2017 წლის თვითმმართველობის არჩევნებზე ქობულეთის მერობის კანდიდატი",- ნათქვამია განცხადებაში.
 
 მაინც რა განაცხადა ევროპული საქართველოს კანდიდატმა ამ ინტერვიუში ნინო  ბურჯანაძესთან დაკავშირებით?
 
როგორც ელგუჯა გოგმაჩაძემ  „ბათუმელებთან“ საუბარში აღნიშნა, მან ბურჯანაძის პარტია „დემოკრატიული მოძრაობა-ერთიანი საქართველო“ ორი წლის წინ დატოვა, თუმცა მას პარტიულ ღირებულებებთან შეუთავსებლობა არ ჰქონია. „პარტია პირადი გადაწყვეტილების საფუძველზე დავტოვე. მიზეზებს არ ვახმაურებ, თუმცა ღირებულებების გამო არ ყოფილა“, – გვეუბნება ის.
 
„ბათუმელების“ კითხვაზე, რა ნიშნით გააკეთა „ევროპულმა საქართველომ“ არჩევანი თქვენზე? ელგუჯა გოგმაჩაძე ამბობს, რომ „იყო პირადი ურთიერთობებიც და ფასეულობებიც“.
„არანაირი განსხვავება არ არის. ნინოსაც ევროპული საქართველო უნდა, ოღონდ რუსეთთან კეთილმეზობლური ურთიერთობით. ნინო ბურჯანაძეს არ უთქვამს, რომ ევროპა არ გვინდაო. შეხვედრები კი ჰქონდა რუსეთში, მაგრამ ეს პრორუსულობად არ შეიძლება ჩაითვალოს“, – გვეუბნება ის.
ბურჯანაძე  საქართველოს ევროატლანტიკურ სტრუქტურებში გაერთიანების წინააღმდეგია, თუმცა ელგუჯა გოგმაჩაძის აზრით, არც ეს ფაქტი არ მიუთითებს ბურჯანაძის პარტიის პრორუსულობაზე.
„არც ევროპული საქართველო“ ფიქრობს იმას, რომ რუსეთთან ურთიერთობა არ უნდა გაგრძელდეს. ის მეზობელია ჩვენი“.
 

 
წინა სტატია,,ჩვენი მღელვარების შემოდგომა” – ბრექსიტის მოწინააღმდეგეთა კამპანია დიდ ბრიტანეთში
შემდეგი სტატიააზიური ფაროსანას განადგურების მიზნით მიწის ფართობების შეწამვლის პროცესში ხვალიდან ავიაცია ჩაერთვება
ტელეკომპანია ოდიშის საინფორმაციო სამსახური