ჟურნალისტი ლაშა ბერულავა ,,სააკაშვილის მატარებლის'' გარშემო ამ წუთებისთვის არსებულ მდგომარეობაზე წერს: მოკლედ, რა ხდება ახლა: მატარებელი ისევ პოლონეთში დგას, სააკაშვილი ოჯახთან ერთად ვაგონშია. ვაგონებში ტუალეტები ჩაკეტეს, მგზავრები უკმაყოფილებას გამოთქვამენ. სააკაშვილის ჩასვლას არავინ ითხოვს უკრაინული მხარის სადისპეტჩეროს გარდა, რადგან მას ამ მატარებლით მგზავრობის უფლება აქვს, მინიმუმ, პოლონეთის ტერიტორიაზე მაინც – შეამოწმეს პოლონელმა სამართალდამცველებმა სააკაშვილის პასპორტი და დატოვეს მატარებელი, ჩვენი საქმე აქ არ არისო.
თუ რამე დარღვევაა, საზღვარზე უნდა აღმოაჩინონ და არ შეუშვან, პერემიშლი უკრაინის სადგურია.
დეპუტატები ურეკავენ ინფრასტრუქტურის მინისტრს და ეუბნებიან, რომ ეს საერთაშორისო სკანდალია.
სიმართლე არის ის, რომ პოროშენკოს ეს ასობით მგზავრი, მათ შორის, დიაბეტიანი ადამიანები, ორსული ქალები – მძევლად ჰყავს აყვანილი იმის გამო, რომ ერთი კაცის ქვეყანაში შესვლის ეშინია.
ამას შევარდნაძეც არ იზამდა.''
ამ წუთებში ვრცელდება ინფორმაცია, რომ მატარებლიდან, რომლითაც მიხეილ სააკაშვილი უკრაინისკენ მიემართება, მგზავრები ავტობუსებში გადაჰყავთ. ისინი უკრაინის საზღვარს ავტობუსით გადაკვეთენ, მატარებლის ბილეთის საფასური კი აუნაზღაურდებათ.
უკრაინის შსს აცხადებს, რომ პერემიშლში მატარებლის დაკავებასთან საერთო არაფერი აქვს.