აბასთუმნის ტყეში განსკუთრებულ დავალებათა დეპარტამენტის დამატებითი ასეული შეიყვანეს.
საგანგებო შტაბში უცნაურ განმარტებას აკეთებენ – მათი თქმით, ,, ასეულის შეყვანის საჭიროება არ იყო, თუმცა ხანძრის სალიკვიდაციო სამუშაოების დაჩქარების მიზნით ტყეში ცოცხალი ძალის გაზრდა გადაწყდა. ''
თუ სამუშაოები უნდა დაჩქარდეს, ესე იგი საჭიროებაც არსებულა, მაგრამ როგორც ჩანს დაკვამლიანებას აბასთუმანში გვერდითი მოვლენებიც ახლავს და ეს შტაბის განცხადებაზეც აისახება.
ამ დროისთვის აბასთუმნის ტყეში ხანძარი ლოკალიზებულია და ცოცხალი ძალის მიერ მიმდინარეობს სალიკვიდაციო სამუშაოები და ნიადაგის დამუშავება.
სალიკვიდაციო სამუშაოებში ავიაცია არ არის ჩართული, თუმცა ვერტმფრენები ადგილზე რჩებიან და საჭიროების შემთხვევაში ოპერაციაში ისინიც ჩაერთვებიან