სვირში ხანძრის ჩაქრობის სამუშაოები დილით ადრე განახლდა

0
195
ხანძარს ამ დრომდე ებრძვიან ახალციხის რაიონის სოფელ სვირთან. . ცეცხლის  ჩაქრობის სამუშაოები დილით ადრე განახლდა.
ხანძრის კერები სოფლიდან დაახლოებით 5 კილომეტრშია, არსებობს ცეცხლის  წიწვოვანი ტყის მასივზე გავრცელების საშიშროება.   ცეცხლი  ძნელად მისასვლელ ადგილზეა მოდებული და სახანძრო მანქანების შეყვანა ვერ ხდება.  პროცესში ცოცხალ ძალასთან ერთად  ჩართულია შინაგან საქმეთა სამინისტროს კუთვნილი ერთი ვერტმფრენიც.
მედიას ტერიტორია ცოტა ხნის წინ უსაფრთხოების გამო დაატოვებინეს და სოფელ სვირის ცენტრში გადაიყვანეს. 
სამაშველო სამსახურის წარმომადგენლები ამბობენ, რომ ცეცხლი არც ისე დიდ ფართობს უკიდია, თუმცა მისი ლოკალიზება ამ დრომდე ვერ ხერხდება. 
სვირის მიმდებარე ტერიტორიაზე, ტყეში ხანძარი გუშინ დაახლოებით 17:00 საათისთვის გაჩნდა. პარალელურად იწვოდა ახალქალაქის სოფელ კორხას მიმდებარე ტერიტორიაც, მაგრამ ცეცხლის ლიკვიდირება გუშინვე მოხდა. 
წინა სტატიასირიაში პანკისელი ლევან ტოხოსაშვილი ცოლთან და 4 შვილთან ერთად დაიღუპა
შემდეგი სტატიაყოფილი მთვარი პროკურორი მართლმსაჯულებას გაექცა? – ოთარ ფარცხალაძემ საქართველო დატოვა
ტელეკომპანია ოდიშის საინფორმაციო სამსახური