საგამოძიებო სამსახურში გრძელდება დაკითხვები  GEM FEST​-ის საქმეზე – სახელმწიფოს მიერ თითქმის, 2 მილონი ლარით დაფინანსებული მუსიკალური ფესტივალის შესაძლო ფინანსურ დარღვევებთან დაკავშირებით  ვენდორები იკითხებიან. ფესტივალზე დასაქმებულებისა და მეიჯარეების მხრიდან ბრალდებების ადრესატია ფესტივალის ორგანიზატორი გიორგი სიგუა ,რომელიც არ არის გამორიცხული, გამოძიებამ კვლავ დაიბაროს დაკითხვაზე.

 

მანამდე კი მას  საკუთარი ინტერესების დაცვა სასამართლოში მოუწევს, რადგან GEM FEST​-ის თანამშრომლებმა ხელფასების ანაზღაურების მოთხოვნით გამართული ,საპროტესტო აქციების შემდეგ, სარჩელი შეიტანეს ზუგდიდის სასამართლოში.

 

გიორგი სიგუას ადვოკატი ადვოკატი ამტკიცებს, რომ მისი დაცვის ქვეშ მყოფს აღებული ვალდებულებები არ დაურღვევია და არც სახელმწიფო მიერ ფესტივალისთვის გამოყოფილი 1 900 000 ლარი დაუხარჯავს არამიზნობრივად.

იგი დარწმუნებულია, რომ გამოძიება  გიორგი სიგუას ბრალეულობას ვერ დაადგენს და ვერც სისხლის სამართლებრივ დევნას ვერ დაიწყებს.