რა წესით დარიგდება წელს სკოლებში უფასო სახელმძღვანელოები და პორტაბელური კომპიუტერები

0
705
წელს საჯარო სკოლებში დაახლოებით 50 300 პირველკლასელია რეგისტრირებული, 15 სექტემბრისთვის  თითოეული  მათგანი  საჩუქრად   Acer-ის ფირმის პორტაბელურ კომპიუტერს( Acer TravelMate B117 Notebook PC)   მიიღებს – აცხადებენ  საქართველოს განათლებისა და მეცნიერების სამინისტროში. პორტაბელური კომპიუტერი დაურიგდებათ ასევე პირველკლასელების დამრიგებლებსაც. 
წელს სამინისტრომ ჯამში 53 700 პორტაბელური კომპიუტერი შეიძინა
2017 სასწავლო წელს გრძელდება უფასო სახელმძღვანელოებით უზრუნველყოფის პროგრამაც –  უფასო სახელმძღვანელოებს მიიღებს საჯარო სკოლის ყველა მოსწავლე პირველიდან მეთორმეტე კლასის ჩათვლით. ასევე, სახელმძღვანელოები უფასოდ გადაეცემათ კერძო სკოლის სოციალურად დაუცველ მოსწავლეებს, რომელთა სარეიტინგო ქულა  70001-ზე ნაკლებია და ახალგორისა და აფხაზეთის ტერიტორიაზე არსებული ქართული სკოლების მოსწავლეებს .  თითოეული მოსწავლისათვის განკუთვნილ სახელმძღვანელოების პაკეტში იქნება როგორც გამოყენებული, ასევე ახალი წიგნები. სკოლებში უფასო სახელმძღვანელოების 60% ახალი, 40% კი მეორადი იქნება. სკოლები მოსწავლეებს სახელმძღვანელოებს თავად უნაწილებენ.
2017 სასწავლო წლისთვის 4 724 660 წიგნი, რვეული და ტესტი დაიბეჭდა. 
წინა სტატიასამეგრელოს პოლიციამ დიდი ოდენობით ნარკოტიკული საშუალება ამოიღო
შემდეგი სტატიასაიას ზუგდიდის ოფისი მოუწოდებს მერიას არ დაუშვან დისკრიმინაცია ბოტანიკურ ბაღში შემსვლელთათვის ტარიფის დაწესებისას
ტელეკომპანია ოდიშის საინფორმაციო სამსახური