დადგება თუ არა ზუგდიდიდან კვართის გადაბრძანების საკითხი?- მშენებარე ტაძრის ეზოში უამრავი ადამიანი შეიკრიბა [Video]

0
374
ივერიის ყოვლადწმინდა ღვთისმშობლის სახელობის საკათედრო ტაძარში სასულიერო პირებმა და მრევლმა შეკრება დღის 4 საათიდან დაიყო, აქვე იმყოფებოდნენ ადგილობრივი ხელისუფლების წარმომადგენლებიც. შეკრების მთავარი მიზანი, მათი ინფორმაციით ის იყო, რომ სოციალურ ქსელში გავრცელდა ინფორმაცია, სადაც ნათქვამია, რომ წმ. სინოდის წევრი, მეუფე ვახტანგი, რომელიც ხელმძღვანელობს სიწმინდეების დაცვის კომისიას, შეხვდა ხობის მუნიციპალიტეტის მრევლსა და სასულიერო პირებს, შეხვედრის შემდეგ კი უნდა ჩამოსულიყვენ ზუგდიდში და აქ გაემართათ შეხვედრა სასულიერო პირებთან, როგორც მრევლი აცხადებს, შეხვედრაზე შესაძლოა დადგეს კვართის გადასვენების საკითხი. „ჩვენ არ დავუშვებთ კვართის გადაბრძანებას სხვაგან, რატომ უნდა იყოს ეს საკითხი ყოველი წლის ზაფხულში აქტუალური?“- აცხადებს მარეხი თოდუა. ზუგდიდისა და ცაიშის ეპარქიის წინამძღვრის მეუფე გერასიმეს განცხადებით  კი, მან არ იცის, თუ რაზე იქნება საუბარი შეხვედრაზე, თუმცა არ უარყოფს, რომ შესაძლოა  კვართის გადაბრძანების საკითხი დადგეს დღის წესრიგში. ამ დროისთვის მრევლი დაიშალა, საღამოს 10 საათზე კი ისინი ისევ ტაძრის ეზოში შეიკრიბებიან და შეხვედრის  მიმდინარეობას თვალყურს მიადევნებენ.
 

წინა სტატიაზუგდიდის ივერიის ღვთისმშობლის საკათედრო ტაძრის მრევლი ღვთისმშობლის კვართის შესაძლო გადატანას აპროტესტებს
შემდეგი სტატიაამ წუთებში მრევლი ივერიის ღვთისმშობლის სახელობის მშენებარე ტაძრის ეზოში იკრიბება
ტელეკომპანია ოდიშის საინფორმაციო სამსახური