მიხეილ სააკაშვილი: ,,კლიმკინი მთელი დღეების განმავლობაში ყველა იმ ქვეყანაში რეკავს პრეტენზიებით, სადაც მე ჩავდიოდი ან ჩასვლას ვაპირებ“

0
374
საქართველოს ყოფილმა პრეზიდენტმა, მიხეილ სააკაშვილმა „ფეისბუქის“ პირად გვერდზე უკრაინის საგარეო საქმეთა მინისტრი, პავლო კლიმკინი გააკრიტიკა. 
„უკრაინის საგარეო საქმეთა მინისტრი კლიმკინი იმის ნაცვლად, რომ საქმით დაკავდეს, მთელი დღეების განმავლობაში ყველა იმ ქვეყანაში რეკავს პრეტენზიებით, სადაც მე ჩავდიოდი ან ჩასვლას ვაპირებ“, – დაწერა მიხეილ სააკაშვილმა.
 
მისი თქმით, „პავლო კლიმკინი ეთნიკური უკრაინელი არ არის, არამედ რუსია“. 
 
„რამდენადაც მესმის, მას რუსეთის მოქალაქეობა აქვს და უკრაინულად ჩემზე უარესად საუბრობს. პეტრო პოროშენკო, აი თქვენთვის კიდევ ერთი კანდიდატი მოქალაქეობის ჩამოსართმევად“, – მიმართავს სააკაშვილი უკრაინის პრეზიდენტს.
 
მიხეილ სააკაშვილი ამჟამად ლიტვაში იმყოფება. მან დღეს ვილნიუსში რუსეთის საელჩოსთან საპროტესტო აქციაში მიიღო მონაწილეობა. 
.
წინა სტატიანატო მწუხარებას გამოხატავს რუსეთის პრეზიდენტის საქართველოს რეგიონში ქვეყნის ხელისუფლებასთან წინასწარი შეთანხმების გარეშე ჩასვლის გამო…”
შემდეგი სტატიამთაწმინდაზე ხანძარია. მის ჩაქრობაში მაშველებთან ერთად ბელინსკისა და სხვა მიმდებარე ქუჩების მოსახლეობაც ჩაერთო
ტელეკომპანია ოდიშის საინფორმაციო სამსახური