5 ადამიანი ემსხვერპლა 5 აგვისტოს მომხდარ ავტოსაგზაო შემთხვევას თურქეთის პროვინცია ამასიაში. დაშავებულია 36, მათ შორის ერთი ქართველია.
როგორც საქართველოს საგარეო საქმეთა სამინისტროში აცხადებენ, დაშავებული ქართველი საავადმყოფოშია გადაყვანილი და მკურნალობა უტარდება. მისი ჯანმრთელობის მდგომარეობა დამაკმაყოფილებელია.
თურქეთის მედიის ცნობით, საქალაქთაშორისო ავტობუსი, რომელიც სტამბულიდან სამსუნში მიემგზავრებოდა, სავალი ნაწილიდან გადავიდა და ამოტრიალდა.
ავარიის მიზეზები ჯერჯერობით უცნობია.