700 ცალი მობილური ტელეფონი და 500 ცალი მაჯის საათი – სარფის საბაჟოზე კონტრაბანდული საქონლის გადმოპარების მცდელობა აღკვეთილია

0
425
ფინანსთა სამინისტროს საგამოძიებო სამსახურმა შემოსავლების სამსახურის საბაჟო დეპარტამენტის თანამშრომლებთან ერთად, საქართველოს საბაჟო საზღვარზე საქონლის გადაადგილებასთან დაკავშირებული წესის დარღვევის ფაქტზე ერთი პირი დააკავა. 
 
, გამოძიებით დადგინდა, რომ აღნიშნული პირი, მისი მართვის ქვეშ მყოფი ავტომანქანით, საბაჟო-გამშვები პუნქტ სარფის გავლით, საბაჟო კონტროლისგან მალულად, საქართველოს ტერიტორიიდან საბაჟო წესის დარღვევით, ცდილობდა გადაეტანა დეკლარირებას დაქვემდებარებული, განსაკუთრებით დიდი ოდენობით საქონელი. ავტომანქანაში მოწყობილი სამალავებიდან ამოღებულია 700 ცალი მობილური ტელეფონი და 500 ცალი მაჯის საათი, რომლის საბაჟო ღირებულება ჯამში 19 800 ლარს შეადგენს.
 
საქმეზე მიმდინარეობს გამოძიება საქართველოს სისხლის სამართლის კოდექსის 214-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას ვადით 5-დან 7 წლამდე.
 
წინა სტატიაბათუმში საცხოვრებელი სახლის სახურავი დაიწვა
შემდეგი სტატიაგადაუმოწმებელი ინფორმაციით, ,,ჯემ ფესტის” მიმდინარეობის ადგილზე ახალგაზრდა ქალი გარდაიცვალა
ტელეკომპანია ოდიშის საინფორმაციო სამსახური