საქართველოს პარლამენტის წევრმა და ქალაქ ზუგდიდის მაჟორიტარმა დეპუტატმა მერაბ ქვარაიამ ზუგდიდის ტექნოპარკში საზოგადოებას საკუთარი მუშაობის ანგარიში გააცნო და მათ კითხვებსაც უპასუხა. მაჟორიტარი დეპუტატის ანგარიშის წარდგენას დღეს ხმაურის და კამათის გარეშე არ ჩაუვლია. საქართველოს პარლამენტის წევრის მიმართ კითხვები ძირითადად თვითმმართველი ქალაქების გაუქმების და მუნიციპალიტეტების გაერთიანების შესახებ დაისვა. შეხვედრის მონაწილეები დაინტერესდნენ თუ სად იყო მაჟორიტარი, როცა აღნიშნული საკითხი წყდებოდა. შეეძლო თუ არა ქალაქ ზუგდიდის მაჟორიტარ დეპუტატს მხარი არ დაეჭირა აღნიშნული სამთავრობო ინიციატივისთვის. ქალაქ ზუგდიდის მაჟორიტარი დეპუტატის თქმით, მართალია ზუგდიდი არ იქნება თვითმმართველი ქალაქი, მაგრამ მოგვწონს თუ არ მოგვწონს, ეს მოცემულობა უნდა მივიღოთ და „შევეგუოთ“დეპუტატის ანგარიში დღეს ადგილობრივი ხელისუფლების წარმომადგენლებმა, საჯარო ასევე ზუგდიდში მოქმედმა მესამე სექტორის წარმომადგენლებმაც მოისმინეს.მერაბ ქვარაია საქართველოს პარლამენტის წევრად და ქალაქ ზუგდიდის მაჟორიტარ დეპუტატად 2016 წლის საპარლამენტო არჩევნებზე აირჩიეს. მანამდე ის ქალაქ ზუგდიდის საკრებულოს ხელმძღვანელობდა.