ქალაქ გორში, ძმებ რომელაშვილების ქუჩაზე ზეწარში გახვეული ახალშობილი იპოვეს.ახალშობილი ვაჟის ჯანმრთელობის მდგომარეობას ექიმები შეაფასებენ.ჩვილი ერთ-ერთმა ქალმა შენიშნა და საპატრულო პოლიციას შეატყობინა. ახალშობილი გორის დედათა და ბავშვთა ცენტრალურ საავადმყოფოში მიიყვანეს. ჩვილი მამრობითი სქესისაა და 1300 გრამს იწონის. ექიმების განცხადებით, პატარა დღენაკლულია, ამიტომაც, კატასტროფის ბრიგადამ ახალშობილი თბილისში გადაიყვანა. ამ წუთებში, ძმებ რომელაშვილიის ქუჩაზე სამართალდამცავები მუშაობენ. ფაქტზე გამოძიება სსკ-ის 127-ე მუხლით დაიწყო, რაც გულისხმობს „სიცოცხლისათვის საშიშ მდგომარეობაში იმის ჩაყენება, ვისაც შესაძლებლობა არა აქვს მიიღოს ზომები თავის დასაცავად“.