რას და ვის მალავს დავით ნარმანია? – ერთ დღეში დასაქმებული 600-ზე მეტი ადამიანი ხელფასებით 1250 ლარიდან 5 625 –მდე

0
398
დავით ნარმანიამ ივნისში მერიასა და გამგეობებში 600-ზე მეტი ადამიანი დაასაქმა, პოსტებზე დანიშვნის ბრძანებას ხელი ერთ დღეში მოაწერა. ინფორმაცია ამის შესახებ ,,რუსთავი2–ის'' გადაცემის ,,კურიერის'' გუშინდელ გამოშვებაში გავრცელდა.
 
"კურიერის'' მიერ მოპოვებულია   ორი განკარგულება, რომელსაც თბილისის მერი აწერს ხელს – დოკუმენტებით დგინდება, რომ თბილისის მერმა დასაქმებულთა  ვინაობა საკრებულოს წევრებსაც კი დაუმალა. დოკუმენტებში მხოლოდ თანამშრომლების ხელფასები წერია, თუმცა მათ მონაცემები წაშლილია. ამ განკარგულებების თანხმად , დასაქმებულების მინიმალური ხელფასი 1250 ლარიდან იწყება და 5625 ლარამდეც კი აღწევს. 
 
„რუსთავი 2-ის“ მიერ მოპოვებული კიდევ ერთი სკანდალური დოკუმენტით ირკვევა, რომ დავით ნარმანიას მედეგობის საკითხებში მრჩეველი ეყოლება, რომელსაც ყოველთვიურად 5200 ლარს გადაუხდის, ანუ თბილისის მრჩეველს მერიაში მერზე უფრო მეტი ხელფასი ექნება.
 
ახალი მაღალანაზღაურებადი მრჩევლის ვინაობას ნარმანია მალავს, ოფიციალურ დოკუმენტებში არც მისი ვინაობა წერია. 
 
რაში ხარჯავს რამდენიმე მილიონს, ხალხის ფულს თბილისის მერია, ამ კითხვაზე დავით ნარმანია გაღიზიანდა.
თბილისის მერი მწვავე კითხვებს გაექცა, დავით ნარმანიას მისივე სკანდალურ გადაწყვეტილებაზე საუბარი არ სურს. – ნათქვამია ,,კურიერის'' სიუჟეტში.
 
 
წინა სტატიამიხეილ სააკაშვილმა „ბი-ბი-სი“-ზე განაცხადა, რომ ,,პირველივე შესაძლებლობის შემთხვევაში, უკრაინაში დაბრუნდება და ჩაერთვება მის მიერ წამოწყებულ ბრძოლაში”.
შემდეგი სტატიაშტორმის საშიშროებას არ გადაუვლია, ერიდეთ ზღვაში შესვლას
ტელეკომპანია ოდიშის საინფორმაციო სამსახური