მიხეილ სააკაშვილისთვის მოქალაქეობის ჩამორთმევას ატლანტიკური საბჭოს და ჰადსონის ინსტიტუტის ანალიტიკოსი ვრცელ სტატიას უძღვნის.
პუბლიკაცია სათაურით "დიქტატორმა პოროშენკომ დემოკრატიასა და კანონის უზენაესობას სატკეპნით გადაუარა" დაიან ფრანსისმა Huffington Post-ში გამოაქვეყნა.
ავტორი წერს, რომ 2015 წლის შემდეგ პოროშენკოს ხელისუფლებამ ორჯერ თქვა უარი მიხეილ სააკაშვილის საქართველოში ექსტრადირებაზე, რადგან მისი სამართლებრივი დევნა პოლიტიკურად მოტივირებულად მიიჩნია.ახლა კი მოქალაქეობა ჩამოართვა რომ გაჩუმება აიძულოს,
რამდენიმე საათიც არ იყო გასული ამ ინფორმაციის გავრცელებიდან, ყოფილი პრეზიდენტი საკაშვილი ნიუ იორკიდან ჩაერთო CNN-ზედა გამოვიდა და დაგმო ოლიგარქის ეს ქმედება. ესეც მეტყველებს, რომ პოროშენკოსთვის ამ ბოლო შეტევას ანტიკორუფციულ მოძრაობაზე უსიამოვნო შედეგები მოყვება , რამდენადაც სააკაშვილი მსოფლიო მეგაფონი გახდება – წერს ჟურნალისტი, – იგი ისედაც იყო მსოფლიო მედიის საყვარელი რესპონდენტი – 5 ენაზე საუბრობს- ახლა კი კორუფციონერებთან მებრძოლის ხატადაც იქცა , ისევე როგორც აქამდე – პუტინის მტრისა.
სტატიის ავტორის თქმით, სააკაშვილს უნდა მოუსმინონ უნივერსიტეტებში, კონფერენციებზე, კონგრესის მოსმენებზე, რადგან ის ფლობს ინფორმაციას რუსეთის ბინძურ მეთოდებსა და მათ დანაშაულებრივ პარტნიორებზე უკრაინასა და სხვა ქვეყნებში.